Fransanın PSJ klubu "Sevilya"dan ayrılacağını açıqlayan Vissam Ben Yedderi transfer hədəfinə alıb.

Paris klubu fransalı hücumçunun agentiylə danışıqlara başlayıb. PSJ 28 yaşlı hücumçunun keçidi üçün 45 milyon avrosundan keçməyə hazırdır.

Qeyd edək ki, "Sevilya" Fransa millisinin üzvünü 2016-cı ildə "Tuluza"dan 9,5 milyon avroya transfer etmişdi. Ben Yedder ötən mövsüm 54oyuna 30 qol vurub, 11 assist edib.