Türkiyəyə gələn turistlərin sayı kəskin azalıb

30-12-2015, 10:54 800 dəfə baxılıb

Türkiyəyə gələn turistlərin sayı kəskin azalıb


















“Türkiyə bunu Rusiyanın iqtisadi problemləri ilə əlaqələndirir”

Avropa İttifaqı (Aİ) və Rusiya Federasiyasından Türkiyəyə gələn turistlərin sayı kəskin azalıb.

Bu barədə Ria.ru Türkiyənin Mədəniyyət və Turizm nazirliyinə istinadən xəbər verir.

“2015-ci ilin 11 ayı ərzində Türkiyəyə ümumilikdə 34,8 milyon nəfər səfər edib. Lakin Türkiyəyə gələn Fars körfəzi ölkələri və İraqdan olan turistlərin sayında 30% artım səbəbindən kəskin fərq əmələ gəlməyib.

Türkiyə və Aİ ölkələrindən Türkiyəyə turist sayının kəskin azalması ilə bağlı məlumatı ötən gün bu ölkənin Mədəniyyət və Turizm Nazirliyi bəyan edib”, - deyə Ria.ru yazıb.

Məlumatda Yaponiyadan olan turistlərin sayının 37%, İtaliyadan 26%, Rusiya və Fransadan (hər birindən) 18%, İspaniyadan 15% azaldığı bildirilir.

“Türkiyənin turizm sektoru rus və Aİ ölkərindən olan turistlərinin sayının azalmasının səbəbini təhlükəsizliyin təminatında yaranan müəyyən problemlər və Rusiyada yaşanan iqtisadi problemlərlə əlaqələndirirlər”,- deyə, məlumatda qeyd olunur.

Qeyd edək ki, 2014-cü ildə Rusiyanın 4,38 milyon nəfərdən çox vətəndaşı Türkiyəyə baş çəkib.

Xatırladaq ki, tərəflər arasında münasibətlərin gərginləşməsinə səbəb Rusiyaya məxsus Su 24 təyyarəsinin Türkiyə-Suriya sərhədində türklər tərəfindən vurulması olub.


loading...
OXŞAR XƏBƏRLƏR
XƏBƏR LENTİ
BÜTÜN XƏBƏRLƏR