Ədliyyə Nazirliyi ölkəmizdəki mətbu orqanların sayı ilə bağlı açıqlama verəıb. Nazirliyin məlumatına görə, 5300 mətbu orqan mövcuddur.



Maraqlıdır, bu rəqəm Azərbaycan kimi bir ölkə üçün məqbul ğöstərici hesab edilə bilərmi? Habelə, bu kəmiyyət keyfiyyət məsələsində də öz əksini tapırmı?



Moderator.az-a açıqlama verən media eksperti Elçin Şıxlı, sözügedən rəqəmin qeydiyyatdan keçən mətbu orqanların sayını əhatə etdiyini vurğuladı:



“Bu rəqəm qeydiyyatdan keçən mətbu orqanların sayını əks etdirir. Və təbii ki, bu göstərici Azərbaycan üçün çoxdur.



Keyfiyyət məsələsinə gəlincə, təəssüf ki, bu kəmiyyət keyfiyyət məsələsində öz əksini tapmayıb. Yəqin ki, bunun keyfiyyətə keçməsi üçün mətbu orqanların sayının 6000-ə çatmasına ehtiyac var. Bəlkə belə olduğu təqdirdə keyfiyyət irəliləyişinə şahid olmaq mümkün oldu”.