Ölkəmizdə aparılan genişmiqyaslı tikinti-quruculuq, abadlıq işlərinin həyata keçirilməsi, çoxsaylı layihələrin icra olunması paytaxtla yanaşı, respublikamızın bütün bölgələrində də uğurla həyata keçirilir. Günü-gündən inkişaf edən, beynəlxalq aləmdə nüfuzu artan Azərbaycan Prezident İlham Əliyevin rəhbərliyi altında həyata keçirilən məqsədyönlü tədbirlərdən biri də yol infrastrukturunun yaxşılaşdırılması istiqamətində görülən işlərdir.

Azerinfo.az-a verilən məlumata görə, Salyan rayonu Babazanlı yaşayış massivinə asfalt yol çəklişinə başlanıb. Yol qısa müddətdə sakinlərin istifadəsinə veriləcək. Asfalt yolun çəkilişi zamanı bütün texniki göstəricilər nəzərə alınıb, dayanacaqların yenilənməsi və təmiri nəzərdə tutulub.

Yenilənən yolun istifadəyə verilməsi ilə insanların rayon mərkəzi ilə əlaqələri asanlaşacaq, çətinliklərə son qoyulacaq. Üstəlik yolun yenilənməsi əhalinin rifah halının yaxşılaşmasına da təkan olacaq.

Salyan Rayon İcra Hakimiyyətinin başçısı Sevindik Hətəmov yol çəkilişinin standartlara uyğun olaraq, yüksək səviyyədə həyata keçirilməsi üçün tapşırıq və tövsiyələrini verib.

Kənd sakinləri də görülən işləri razılıq və minnətdarlıq hissi ilə qarşılayırlar. Yollarının çəkilməsinə görə ölkə başçısına və rayon rəhbərliyinə təşəkkürlərini çatdırırlar.