Gəncə Dövlət Universitetində Azərbaycan təhsili adına baş verən rüsvayçılıqlarla bağlı saytımızda dərc olunan məqalə geniş rezonans doğurub. Bu təhsil ocağında baş verən qanunsuzluqlar, korrupsiyanın, rüşvətin at oynatması barədə apardığımız araşdırmalar tələbələr və valideynlər tərəfindən yüksək qiymətləndirilir. Fikirləşsək ki, rəhmətlik Sabir demişkən biz hələ gördüyümüzün onda birin yazmayırıq,o zaman Y.Yusifovun və komandasının bərbad vəziyyətə qoyduğu GDU-ki əsl vəziyyəti bəlkə təsəvvür etmək olar.

Universitetdə əsas meyar bilik olmalıdırsa, burada hər şey pulun iradəsinə tabe edilib. Tələbələrin və valideynlərin Rubrika.az saytına bildirdiyinə görə az qala aldıqları havaya , torpaqbasdıya görə belə onlardan pul tələb olunur.

Rubrika.Az-a daxil olan məlumata görə, artıq GDU-da vəziyyətin tamamilə nəzarətdən çıxdığını söyləmək olar. Y.Yusifovun güvənilən adamları hesab olunan Şahin və Elçin öz əməlləri ilə narazlıq formalaşdırırlar. Ağına-bozuna baxmadan pul toplamaq üçün müxtəlif variantlar fikirləşən bu ikili tələbələrin həyatını zindana çevirib. Valideynlərin verdiyi xəbərə görə, pulun yoxdursa GDU-də oxumaq tamamilə mümkünsüz olub. Valideynlərdən Rəna Məmmədovanın bildirdiyinə görə 500 manatı olmadığına görə xeyli vaxtdır ki, övladının diplomunu ala bilmir.



Başqa bir valideyn isə işsiz olduğunu, heç bir yerdən qazancının olmdğını söyləyir. Buna baxmayaraq GDU-da təhsil alan övladının imtahanlarını “yola vermək” üçün qızıl-zinət əşyalarını satmağa məcbur olub. Digər bir valideyn isə övladının təhsilini yarımçıq qoymamaq üçün, Şahin və Elçin ikilisinin “vergilərini” ödəmək üçün bankdan kredit götürməyə məcbur olduğunu söyləyir.
Təhsil adına utancverici,xəcalətli olan bu xəbərlərin siyahısını istədiyiniz qədər uzatmaq olar. Rubrika.Az bildirir ki, Y.Yusifovun adından hərəkət edən bu ikili GDU-də təhsili tamamilə məhv edib, böyük bir ali təhsil ocağını rüşvətin, korrupsiyanın alınmaz qalasına çevirib. Maraqlıdır ki, illərdir Şahin və Elçinin ticarət mərkəzinə, gəlir mənbəyinə çevrilən GDU-də vəziyyəti düzəltmək üçün əlaqədar qurumlar heç bir addım atmırlar. Bu yerdə adamın yadına məhşur filimdəki epizod düşür:
“ Kərbəlayi Zal, ya sən rüşvət alırsan, ya da qocalıb zay olmusan” Başqa variant yoxdur!

Nicat Mahmudov
Rubrika.az