100-dən çox Suriya ermənisi Qarabağa köçürülür

12-10-2016, 09:21 594 dəfə baxılıb

100-dən çox Suriya ermənisi Qarabağa köçürülür

















Noyabr ayının sonuna qədər daha 100 Suriya ermənisi Ermənistana köçürüləcək.

AzVision.az “Tert.am”-a istinadən xəbər verir ki, bu barədə “Hələb” xeyriyyə təşkilatının rəhbəri Ani Balhyan bildirib.

Onun sözlərinə görə, indiyə qədər təşkilata 600-ə yaxın Suriya ermənisi müraciət edərək Ermənistana köçmək istədiyini deyib. Onlardan 100 nəfərin köçürülməsi üçün lazımı vəsait tapılıb.

Suriya ermənilərinin bundan öncəkilər kimi Ermənistan adı altında Azərbaycanın işğal altında olan Dağlıq Qarabağ bölgəsinə yerləşdiriləcəyi gözlənilir.

Balhyan qeyd edib ki, yaxın zamanlarda onlara Ermənistanın Hələbdəki konsulluğunda viza veriləcək.

Ümumilikdə Suriyada baş verən vətəndaş müharibəsindən sonra bu ölkədən Ermənistana təxminən 20.000 erməni gəlib.


loading...
OXŞAR XƏBƏRLƏR
XƏBƏR LENTİ
BÜTÜN XƏBƏRLƏR