İcra başçısı «Samir İstehsalat» MMC-nin başına hansı müsibəti açıb?

23-11-2015, 13:11 749 dəfə baxılıb

İcra başçısı «Samir İstehsalat» MMC-nin başına hansı müsibəti açıb?

















Nəsrulla Nəzərov: «Vilyam Hacıyevin bizə 600 min manat borcu yaranmışdı, pulu verməmək üçün illərdir məhkəmələrdə süründürülürük»

Ötən gün xəbər vermişdik ki, İmişlinin icra başçısı ilə sahibkarlar arasında ciddi konflikt yaranıb. Bu konfliktə səbəb isə sifariş əsasında görülən işlərə görə pulların ödənilməməsidir.

Redaksiyamıza daxil olan məlumatlarda vurğulanırdı ki, icra başçısı Vilyam Hacıyevlə sahibkarlar arasındakı borc qalmaqalı təqribən 9 milyon manatlıq bir söhbətə bağlıdır. Yəni, icra başçısı iş adamlarına iş gördürərək, onlara qeyd olunan qədər borcu yaransa da, ödəməkdən imtina edib.

Dünən bununla bağlı redaksiyamıza müraciət edən «Samir İstehsalat» MMC-nin rəhbəri Nəsrulla Nəzərov bu qalmaqalın bir elementi barədə açıqlama verib. O bildirib ki, adıçəkilən şirkət 2004-cü ildə yaradılıb və ilk olaraq 20 nəfərlə işə başlayıb. «Heç bir il çəkmədi ki, iş yerlərinin sayını 200 nəfərə çatdırdıq. 2006-cı ilin sonunda Vilyam Hacıyevin Samux rayon icra başçısı təyin olunmasından sonra yaratdığımız «Samir İstehsalat» MMC-nin qara günlərə başladı. Belə ki, 2007-ci ilin sonuna qədər Samux rayon İcra Hakimiyyətinin bizim şirkətə 600 min manat borcu yarandı. Həmin pulu Vilyam Hacıyevdən istədikdə, icra başçısı bizə təzyiqlər etdirməyə başladı. Əsassız yoxlamalara satrt verildi».

Nəsrulla Nəzərov qeyd edir ki, bu əsassız yoxlamalar iki ildən sonra öz «bəhrəsini verib». Onun sözlərinə görə, baş verənlərdən sonra 200 nəfər şəxsin işlədiyi şirkət bağlanıb. «Vilyam Hacıyev 100 min manatı nağd şəkildə məndən aldı. İllərdir bizim şirkət məhkəmələrdə süründürülür. Bu gün də proses davam edir. Halal pulumuzu ala bilmirik. Dəfələrlə yuxarı instansiyalara müraciət etsək də, heç bir faydası yoxdur».

«Samir İstehsalat» MMC-nin rəhbəri Redaksiyamız vasitəsi ilə Prezident İlham Əliyevə müraciət edərək bildirib ki, o, əlindəki dəlil və sübutları dövlət başçısına təqdim etməyə hazırdır.

Qarşı tərəfi də dinləməyə hazırıq.


loading...
OXŞAR XƏBƏRLƏR
XƏBƏR LENTİ
BÜTÜN XƏBƏRLƏR