Unibankdan şok işğal əməliyyatı: Bank vətəndaşa və dövlətə necə kələk gəlib?

5-12-2015, 14:41 775 dəfə baxılıb

Unibankdan şok işğal əməliyyatı: Bank vətəndaşa və dövlətə necə kələk gəlib?












Heybət Əliyev: “Bank torpaqlarımı məndən xəbərsiz halda başqalarına satıb”

Abşeron rayon Novxanı kənd sakini Heybət Əliyev cumhuriyyet.az vasitəsi ilə ölkə başçısına şikayət ünvanlayıb. Surəti cumhuriyyet.az-a da göndərilən şikayət məktubunda H.Əliyev Unibankın ona məxsus 2,5 hektar ərazinu qanunsuz olaraq zəbt etdiyini, haqlı ikən haqsız duruma salındığını bildirib:
“Cənab prezident. Mən Abşeron rayon Novxanı kənd sakini Heybət Əliyev Unibankın İdarə Heyətinin üzvü və Risk departamentinin sabiq rəhbəri Azad Qasımov və onun Elçin adlı şərikinin qanunsuz əməlləri ilə bağlı şikayətimi media vasitəsilə diqqətinizə çatdırmaq istəyirəm.
Nəzərinizə çatdırıram ki, 3 il bundan öncə Abşeron rayonundakı Fatmai kəndində bizə məxsus olan 2,5 hektarlıq torpaq sahəsini Unibanka girov qoymaq müqabilində A.Qasımovun şəriki, İmişli rayon sakini Elçinin vasitəçiliyi ilə onun adına bankdan 360 min manat məbləğində kredit götürdük. Həmin kreditin 180 min manatını qabaqcadan ödəsəm də, bir müddət sonra ölkədəki iqtisadi-maliyyə böhranı səbəbi ilə sonrakı ödənişimdə müəyyən problem yarandı.
Belə olan halda bank girov qoyduğum 2,5 hektarlıq torpaq sahəsini mənə hər hansı məlumat vermədən, məndən xəbərsiz halda auiksiona çıxararaq satıb ki, biz baş verənlrədən uzun müddət sonra xəbər tutduq. Ödənilməyən 120 min manat qarşılığında təxminən 700 min manatlıq torpaq sahəmi məndən xəbərsiz halda satan Unibank daha sonra mənim adıma daha hansı daşınmaz əmlakın olduğunu müəyyənləşdirmək üçün Əmlak Məsələləri üzrə Dövlət Komitəsinə müraciət edib. Buna səbəb guya satılan torpaq sahəsinin qalan kredit borcunu tam ödəmədiyi, bu səbəbdən də bizim digər əmlakımızın satışına ehtiyac yaranması olub.
Mən baş verənlərdən xəbər tutandan sonra dərhal Abşeron Rayon Məhkəməsinə müraciət etdim. Bildirdim ki, Unibank girov qoyduğum 2,5 hektarlıq torpaq sahəsini bazar qiymətindən bir neçə dəfə ucuz qiymətə sataraq mənə bir neçə yüz min manat ziyan vurub və üstəlik hələ də mənim borclu olduğumu iddia edir.
Halbuki, mövcud qanunvericiliyə görə, bu cür vəziyyətlərdə bank satışa çıxaracağı torpaqları öncə onun əsl sahibinə təklif etməli, yalnız bundan sonra digər şəxsləri auiksiona cəlb etməli idi. Bundan başqa, torpaq satışı zamanı ərazi bazar qiymətinə uyğun şəkildə, ədalətlilik prinsipi əsnasında qiymətləndirilməli, bank satılan torpaqlardan ödənilməyən krediti çıxdıqdan sonra pulun qalan hissəsini mənə verməli idi.
Qeyd edim ki, Abşeron Rayon Məhkəməsi Unibank tərəfindən dəyər-dəyməzinə satılan 2,5 hektarlıq torpaq sahəsinin bazar qiymətinə uyğun şəkildə qiymətləndirilməsi məqsədi ilə
audit komissiyasından rəy tələb etdi və komissiya da öz rəyində göstərdi ki, 2,5 hektarlıq torpaq sahəsinin hər sotu 3 min manat məbləğində dəyərləndirilməlidir. Hansı ki, bu rəy məhkəmə qətnaməsində də əks olunub.
Bu isə o deməkdir, mənim Unibankda girov qoyduğum 2,5 hektarlıq torpaq sahəsinin dəyəri məhkəmə qətnaməsində göstərilən qiymtələndirmə mexanizminə əsasən 750 min manatdır. Deməli, Unibank 750 min manatdan ödənilməyən 120 min manat məbləğində pulu çıxıb 630 min manatlıq vəsaiti mənə verməli idi. Lakin Unibank bu gün nəinki mənə verməsi gərəkən pulu vermir və ya torpaqları geri qaytarmır, əksinə, satılan 2,5 hektarlıq ərazinin ödənilməsi gərəkən 120 min manatlıq krediti ödəmədiyini, buna görə də mənim banka əlavə vəsait ödəməli olduğumuzu bildirib.
Cənab prezident. Baş verənlər fonunda diqqət çəkən digər bir məqam isə ondan ibarətdir ki, adına pul götürdüyüm Elçin adlı şəxs İmişlidəki 50 hektarlıq ərazisini Unibanka girov qoyaraq xeyli məbləğdə pul götürsə də, məhkəmə prosesində onun götürdüyü vəsait və banka qoyduğu 50 hektarlıq girov haqqında bir kəlmə də olsun söz keçmir. Mən məhkəmə prosesi zamanı Elçinlə əlaqə saxlayaraq ondan məhkəmə prosesində iştirak etməyi, torpaqlarımızı bank girovluğundan azad etməyi xahiş edəndə o, xahişimizi yerinə yetirməkdən imtina etmiş, habelə sabiq MTN rəhbəri Eldar Mahmudovla yaxın münasibətlərə malik olduğunu iddia edərək mənə sabiq nazirin adından hədə-qorxu gəlmişdik. Onu da qeyd edim ki, məni Unibankın İdarə Heyətinin üzvü və Risk departamentinin sabiq rəhbəri Azad Qasımovla tanış edən, onun vasitəçiliyi ilə kredit götürə biləcəyimi təklif edən də məhz Elçin adlı şəxs olub.
Cənab prezident. Sizdən Unibankın İdarə Heyətinin üzvü və Risk departamentinin sabiq rəhbəri Azad Qasımov və onun Elçin adlı şəriki tərəfindən pozulan haqlarımın bərpasına yardım etməyi xahiş edir və rica edirəm ki, aşağıdakı tələbllərim təmin edilsin.
1.Unibank tərəfindən məndən xəbərsiz şəkildə satışa çıxarılan 2,5 hektarlıq torpaq sahəsi qanuni sahibi kimi mənə qaytarılsın.
2.Müştəri olaraq pozulan digər hüquqlarım bərpa edilsin.
Onu da qeyd edim ki, banka ödəməli olduğum 120 min manatlıq krediti imzalanan müqaviləyə uyğun surətdə – mərhələli şəkildə ödəməyə hazıram.
Məlumat üçün onu da nəzərinizə çatdırıram ki, banka ödədiyim 180 min manat vəsait mənzil qismində Unibankın İdarə Heyətinin üzvü və Risk departamentinin sabiq rəhbəri Azad Qasımov və onun Elçin adlı şərikinə verilib. Hansı ki, A.Qasımov hələ Unibankın İdarə Heyətinin üzvü və Risk departamentinin rəhbəri vəzifəsində çalışarkən 180 manat məbləğində vəsaitin banka daxil olduğunu və götürdüyüm 360 min manatlıq kreditdən çıxıldığını bildirib. Lakin təəssüf ki, məhkəmə prosesi zamanı 180 min manatlıq ödənişimin çekləri bankın hüquqşünası tərəfindən məhkəməyə təqdim edilmədi.
Cənab prezident.Ümid edirəm ki, müraciətimə həssaslıqla yanaşacaq və Unibank tərəfindən məm vurulan ziyanın ödənilməsinə yardımçı olacaqsınız”.

PS.Məlumat üçün qeyd edək ki, vətəndaş Heybət Əliyevin Unibankla bağlı səsləndirdiyi ittihamları araşdırmağa, məsələ ilə bağlı qarşı tərəfin də mövqeyini işıqlandırmağa çalışsaq da, günlərlə göstərdiyimiz səylərə rəğmən bank bu məsələ ilə bağlı hər hansı mövqe bildirmədi.
Seymur Əliyev


loading...
OXŞAR XƏBƏRLƏR
XƏBƏR LENTİ
BÜTÜN XƏBƏRLƏR