Bu gün Şuşada “3 donuz” kukla teatrı göstəriləcək... -Yadınıza həmsədrlər düşmədi ki?..
26 iyun 2019-cu ildə, Azərbaycanın Milli Ordu gününü qeyd etdiyi bir gündə 28-ci ildir ki, işğal altında qalan Şuşa şəhərimizdə erməni balaları üçün növbəti kukla teatr-tamaşası nümayiş etdiriləcək.
Xankəndidəki separatçı nəşrlərin yaydığı məlumata görə, bu gün saat 15:30-da Şuşadakı Mkrtç Xandəmiryan adına “dövlət” kukla teatrında “3 donuz” tamaşası nümayiş etdiriləcək.
P.S. Sizi bilmirəm, bizim yadımıza ATƏT-in Minsk Qrupunun 3 ölkədən – ABŞ, Rusiya və Fransadan olan həmsədrləri düşdü...
P.P.S. Dərindən düşünəndə son 25 ildə beynəlxalq təşkilat və iri dövlətlərin, əslində transmilli sələmçi, dələduz super güclərin rəhbərliyi(oxu: ssenarisi) əsasında aparılan Qarabağ danışıqları başımızı uşaq kimi qatan, uzaqda iplərlə, düymələrlə, nə bilim, sensorla idarə olunan kuklaları teatrından savayı bir çey deyil...
Sultan Laçın.moderator.az