“Xahiş edirəm , ərizəmi cırıb atmayın, bu məmurları cirib atın, cənab Prezident”

12-12-2019, 23:44 493 dəfə baxılıb

“Xahiş edirəm , ərizəmi cırıb atmayın, bu məmurları cirib atın, cənab Prezident”

Azərbaycan məhkəmələrində çıxarılan biabırçı hökmlər, qərarlar haqda çox yazmışıq. Ancaq bu dəfə tanış olduğimuz materialda məhkəmə hakimləri əndazəni aşıblar. Boş, adi bir vərəqdə, möhürsüz, heç bir əhəmiyyəti olmayan kağz parçasına istinadən bir zavallı qadına 15 min borc yükləyiblər.
Adi vaxt şikayətçilər notarial kontorda möhür ştampla verdiklıəri borcu ala bilmirlər. Burada isə adi kağız parçası olub. Kim bu hakimlərə Azərbaycan dövlətinin adından belə əndrabadi qərarlar çıxarmağa izn verib?
İstənilən sivil ölkədə bu qərarı absurd hesab edərlər.
Azerinfo.tv-yə məktub yazan Cəlilabad Şəhəri ,Heydər Əliyev Prospekti,ev118,mənzil 26 –da yaşayan Səfərli Sevinc Ramiz qızının prezident İlham Əliyevə ünvanladığı şikayəti olduğu kimi dərc edirik:

“Hörmətli Prezident!!! Siz sonuncu çıxışınızda bildirdiniz ki, hansı məmur əyri yolla gedirsə mənə xəbər göndərin!!! Allah canınızı sağ eləsin!!! Ona görə də mən Sizə müraciət edirəm.

Cənab Prezident!!!

Mən Nərimanov rayonunda Həsənov Ramil Barat oğlu ilə 7 il qeyri rəsmi , ər –arvad münasibətində yaşamışıq. Ramil bu münasibətdə məndən çox istifadə edib. 06.06.2017 –ci il tarixdə o zəng edərək məni Nərimanov rayonunda yerləşən “Nyu York “klubuna dəvət etdi.Sonradan ora iki nəfər əli bıçaqlı gələrək Ramil Həsənovu ölümlə hədələdilər. Sonra mənə hədə yolu ilə, guya mənim Ramil Həsənova 15 min ABŞ dolları borcum olduğu barədə qəbz yazdırdılar.
Mən oradan çıxanda , 102 xidmətinə zəng etmək istədikdə ,Ramil dedi eləmə, bu mənlikdir. Düz bir ildən sonra mənə məhkəmədən Ramil Həsənovun borc iddiası barədə ərizə gəldikdə başa düşdüm ki, bu Ramilin özünün qurduğu oyun imiş.
Hörmətli Prezident!!!

Bildirirəm: 1-ci əyri yol gedən Cəlilabad rayon hakimi Vüsal Cəbrayılovdur.O məni məhkəmədə dinlədikdən sonra ,növbəti məhkəmədə mənə məhkəmə qərarını elə dəhlizdə verdi. Boş bir kağız , özü də notariat qaydada təsdiq olunmamış. Həmin qəbzin surətini mənə göstərmədən qərar çıxartdı ki, mən 15 min ABŞ dolları Ramilə ödəməliyəm. Apelyasiyaya verdiyim şikayət təmin edilmədi.
2- ci Əyri yolla gedən Şirvan Apelyasiya Məhkəməsinin hakimi Müşfiq Həsənovdur. O məhkəməyə mənim iştirakım olmadan baxdı. Göndərdiyim sübutlara , teleqrama əhəmiyyət vermədən rayon məhkəməsinin qərarın qüvvəsində saxladı.Hər iki hakim hansı maraqdansa belə bir qərar çıxartdılar. Adi kserokopiya , bir dəftər vərəqinə əsasən.

3- cü əyri yolda isə Ali Məhkəmənin hakimi Ələsgər Əliyevdir.Mən Ali
Məhkəmədə işlə tanış olduqda işdə həmin qəbzin adi bir dəftər vərəqinin ksero surəti olduğunu gördükdə Ali Məhkəməyə bunu ərizəmlə bildirdim. Lakin hakim buna əhəmiyyət verməyərək qərarı qüvvəsində saxladıı. Bu hakimlərin savadsızlığıdır,yoxsa tamahı?
4- cü əyri yol Nərimanov Polis İdarəsinin İstintaq şöbəsinin müstəntiqləri Rafael Cəfərov, Ümid Abdüllrəhmanlı, bir də maraqlı şəxslərdən biri , istintaqın rəisi Vüqardır. Adi bir işin açılmasına maraqlı olmayan , tamahları özlərindən iti olan müstəntiqlər!!! Dəfələrlə onlardan xahiş etdim ki, qarşı tərəfin mobil telefonunun danışıq zənglərinin surətlərini və telefonun əhatə dairəsini çıxardın. Mənə dedilər ki, biz çıxara bilmərik, gərək ,cinayət işi açılsın .
Maraqlıdır, niyə cinayət işi açmırlar? Çünki, stolun arxasından güclə seçilən istintaqın rəisi - Vüqar buna imkan vermir. Bazarlıqdan sonra nə cinayət ,nə düz yol?

Hörmətli Prezident!!!!

Sizə xəbər etdim bu əyri yolnan gedən bu məmurları. Onlara yerlərini göstərin!!! İnanın gecə- gündüz 28 may metrosu ətrafında gəzirəm . Dua edib, Allaha yalvarıram ki, kaş sizi orada görəydim, dərdimi deyəydim. Almadığım bir pulu bu allahsızlar mənə yükləyiblər. Bir kişi çıxıb bunlara öz yerlərini göstərə bilmir. Ramilin dalında vəzifəli məmur qohumları, mənim isə dalımda isə kimsə yoxdur. Xahiş edirəm , ərizəmi cırıb atmayın, bu məmurları cirib atın! Çünki, belələri xalqı Sizdən narazı salır, qadan allım ay , Prezident!!! Mənə kömək edin, yoxsa Dubaya gedib , öləcəyəm!!! İmza : Sevinc Səfərli.”

“Xahiş edirəm , ərizəmi cırıb atmayın, bu məmurları cirib atın, cənab Prezident”


loading...
OXŞAR XƏBƏRLƏR
XƏBƏR LENTİ
BÜTÜN XƏBƏRLƏR