Söyün Sadıqov, Fuad Abbasov..:İzlər hara aparır?

22-05-2019, 22:36 27 dəfə baxılıb

Söyün Sadıqov, Fuad Abbasov..:İzlər hara aparır?

Rusiyada yaşayan azərbaycanlı jurnalist, diaspor fəalı Fuad Abbasovun saxlanılması etirazlara səbəb olub.

Rəsmi məlumata görə, Rusiyadakı azərbaycanlıların bir neçə icması Moskva məhkəməsinə müraciət edərək, F.Abbasovun ölkədən deportasiya olunmasını tələb edib. Moskva məhkəməsi mayın 7-də Azərbaycan təşkilatlarının müraciətini təmin edib. F.Abbasov Rusiyanın miqrasiya qanunvericiliyinin pozulmasında ittiham olunur. Onun mayın 28-də

Azərbaycana deportasiya ediləcəyi gözlənilir.

F.Abbasov niyə həbs olunub?

Bununla bağlı müxtəlif iddialar var. Daha yayğın versiya bundan ibarətdir ki, Abbasovu erməni dairələri həbs etdirib. Həmçinin iddia olunur ki, jurnalistin həbsinin arxasında Rusiya Azərbaycanlılarının Federal Milli-Mədəni Muxtariyyətinin Moskva Regional bölməsinin sədri Ağadadaş Kərimov dayanır. Qeyd edək ki, Ağadadaş Kərimovun ermənilərə yaxın olduğu deyilir. Belə ki, A.Kərimovun təşkilatçılığı ilə keçirilən Azərbaycan mədəniyyətinə həsr olunmuş ümumşəhər “Nar bayramı” tədbirində Ermənistanla bağlı bəzi eksponantların nümayiş olunması azərbaycanlılar tərəfindən qəzəblə qarşılanıb. Bununla yanaşı, “Azərbaycan dəyərləri” adı altında keçirilən tədbirdə milli bayraq da daxil Azərbaycana aid heç bir eksponat nümayiş olunmayıb. Bu da həmyerlilərimizin təəccübünə səbəb olub.

Kərimovun bu tədbiri erməni diaspor təşkilatı ilə birlikdə həyata keçirməsi məlum olduqdan sonra soydaşlarımız sivil şəkildə öz etirazlarını bildiriblər. Yeni imic formalaşdırmaq naminə Rusiyadakı azərbaycanlılar arasında nüfuz qazanmağa çalışan Kərimovun erməni və separatçı təşkilatlarla birlikdə “Nar bayramı” adlı tədbir keçirməsi ifşa olunub.

Bundan əlavə A.Kərimov bir müddət əvvəl qızını erməni oğlana ərə verdikdən sonra azərbaycanlıların qəzəbinə tuş gəlmişdi. O, erməni ilə qohum olduğuna görə qürur hissi keçirdiyini bildirmişdi. Eyni zamanda, Qarabağ haqqında səsləndirdiyi fikirlər də ictimaiyyətdə birmənalı qarşılanmamışdı. O, qarabağlı olmadığını və buna görə də Dağlıq Qarabağda döyüşməyi düzgün hesab etmədiyini vurğulamışdı.

Bütün bunlar Fuad Abbasovun həbsində erməni izinin olduğuna dair şübhələri artırır. Ümumiyyətlə, azərbaycanlılara qarşı aparılan qara piar kampaniyasında ermənilərin daim baş rol oynaması danılmaz faktdır. 2019-ci ilin fevralında Rusiyanın Rostov şəhərində azərbaycanlı oliqarx, Prezident Putinin sabiq rəsmi nümayəndəsi Söyün Sadıqovun həbsində də erməni izi istisna olunmurdu. Söyün Sadıqovun həbs olunmasında əsas rol oynayan şəxs əvvəllər soyadı Çebanyan olan Çebanovdur. Sadıqov məhz onun şikayəti əsasında saxlanılıb. Çebanovun kimliyinə gəlincə, onun Ukraynanın sabiq prezidenti Poroşenkonun yaxın adamlarından biri ilə biznes əlaqəsi var. O, həmçinin deputat olmuş İqor Kononenko ilə işbirliyindədir.

Ukraynanın daxili işlər naziri, adı bu ölkədə azərbaycanlı biznesmenlərə qarşı cinayətlərdə hallanan erməni Arsen Avakovla qohumdur. Çebanov Kononenko ilə birlikdə "Astra Devolopment" şirkətinin sahibidir.

Qeyd edək ki, bu məlumatlar Söyün Sadıqovun həbsindən onra Rusiya mətbuatında yayılıb. Bu isə hər iki şəxslə bağlı məsələdə erməni izinin olduğuna dair iddları gücləndirir.

Beynəlxalq Diaspora Mərkəzi (BDM) sədrinin müavini Samir Adıgözəlli “Cümhuriyət” qəzetinə açıqlamasında deyib ki, Fuad Abbasova qarşı hərəkətlər ermənilər və milli xəyanətkarlar tərəfindən sifariş olunub:

“Fuad Abbasovu şəxsən tanımıram, telefonla danışmamışam, nə qohumun, nə də eloğlumdur. Amma bir azərbaycanlı, ictimai-siyasi fəliyyətlə məşğul olan şəxs, qəzet rəhbəri, həmkar olaraq Rusiyada jurnalist kimi fəaliyyət göstərən, bütün teledebatlarda xeyrimizə danışan, milli maraqlarımızı qoruyan, çox mühüm məsələləri qabardan Fuad Abbasova qarşı edilənlər məni çox məyus etdi. Ona qarşı o cür qanunsuz hərəkətləri edənlər sanki bizim şərəfimizlə oynadılar. Bir ildir ki, Fuad Abbasovun Ağadadaş Kərimovla və digər şəxslərlə, təşkilatlarla bağlı apardığı mübarizəni izləyirəm. Fuad Abbasovun saxlanılmasında erməni əlinin olması iddia deyil, reallıqdır. Rəsmi məlumatlarda deyilməyəcək ki, sifariş əsasında saxlanılıb. Əmin edirəm ki, bu, sırf ermənilərin və “sapı özümüzdən olan balta”ların birbaşa müraciəti nəticəsində Fuada qarşı aşağılayıcı əməliyyat keçirilib.

Biz sanki özümüz özümüzün düşməniyik. Bizim içimizdə satqın, xəyanətkar olmasa, qarşımızda heç kim dayana bilməz”.

S.Adıgözəllinin fikrincə, milli xəyanət mövqeyində duranlar Gürcüstanda da iş başındadır: “3 ildən artıqdır ki, məni Gürcüstana buraxmırlar. 3 il əvvəl aprel ayında Gürcüstana erməni səfirliyinin qarşısında aksiya keçirməyə gedirdik. Gürcüstanda olan bəzi soydaşlarımızın müraciəti nəticəsində bizi ora buraxmadılar. Haqqımızda Gürcüstan hakimiyyətinə müraciət etdilər ki, onlar Azərbaycan-Gürcüstan münasibətlərini pozur.

Amma biz Ermənistan səfirliyi qarşısında qondarma soyqırım məsələsinə təpki göstərməyə gedirdik. Fuad Abbasov məsələsi də bunun eynisidir. Biz Fuad Abbasovla bağlı müraciət edirik, qalxıb başqa-başqa adamları müdafiə edirlər. Onlar iddia edirlər ki, Rusiyada böyük hörmətə malikdirlər. Bəs niyə Fuada qarşı xəyanət yolunu tuturlar? Fuadı ermənilərə, başqa-başqa qurumlara bağlılıqda ittiham edirdilər. Fuad Abbasov aktiv olduğu üçün ona qarşı çıxırlar. Başa düşmürlər ki, aktivliyi Fuad Abbasovun bacarığından, biliyindən irəli gəlir. Məsələyə “kimin pulu çoxdursa, o, sədr olmalıdır” kimi düşüncələrlə yanaşmaq olmaz. Onlar da Fuad Abbasova dəstək olmalıdır. Ona görə də Fuad Abbasov məsələsində heç şübhəniz olmasın ki, ermənilər aktivdir. Onlar bu işin başında durur. Çox təəssüflər olsun ki, ailəsində erməni bəsləyənlər də, şəxsi maraqları naminə milli maraqları ayaqlar altına atanlar da onlara dəstək verir”.

Samir Adıgözəlli bütün media qurumlarının, jurnalist təşkilatlarını Fuad Abbasovun müdafiə kampaniyasına dəstək olmağa çağırıb: “Jurnalist təşkilatları birlik nümayiş etdirməli, bu məsələ ilə bağlı bir araya gəlməlidir. Təəssüf ki, heç kimin səsi çıxmır. Niyə jurnalist təşkilatlarımız bu gün birlik nümyiş etdirə, bir araya toplaşa bilmirik? “Cümhuriyət” qəzetinin, Cebhe.info saytının, “Azinforum”un, “Yeni Müsavat”ın ofisinə yığışmırıq? Niyə heç kim səsini çıxarmır?”


loading...
OXŞAR XƏBƏRLƏR
XƏBƏR LENTİ
BÜTÜN XƏBƏRLƏR