Cəlilabadın yeni təhsil şefi icra başçısına 200 min rüşvət verib?

13-05-2019, 11:21 84 dəfə baxılıb

Cəlilabadın yeni təhsil şefi icra başçısına 200 min rüşvət verib?

Cəlilabadın icra başçısı Namiq Zeynalovun kadr siyasəti barədə sensasion məlumatlar yayılıb

aZERİNFO.TV yazartv.az-a istinadla xəbər verir ki, Əmlak Məsələləri üzrə Dövlət Komitəsi sədri Kərəm Həsənovun kadrı olan N.Zeynalov səriştəsiz kadrları icra aparatına doldurub.

Onların idarəçilikdə bacarıqsızlığı, əhali ilə işləyə bilməməsi, yarıtmaz fəaliyyəti Cəlilabadda problemləri ikiqat artırıb. Cəlilabadın təhsil şöbəsi postuna gətirdiyi direktor Qərənfil Əhmədovanın təyinatı bu sahədə vəziyyəti pisləşdirib. Q.Əhmədova 5 il 8 saylı məktəbdə direktor işləyib.

Bu illər ərzində məktəb göstəricilərinə görə rayonda ən aşağı yerlərdən birini tutub. Elm və Təhsildən bu məktəbdə söhbət açılması yersizdir. Qərənfil xanım məktəbi bacılıq siyasəti ilə idarə etmişdir.

Öz yaxın çevrəsinə daxil olan müəllimələrə artıqlaması ilə dərs saatı verərək, onları susdurmağı bacarıb. Məktəbin 10-11-ci sinif şagirdlərinin pula aylığa çıxardıb. Sual olunur bəs bu uşaqlar haradadır? Cavab çox sadədir. Bəziləri dükan-bazarda xırda ticarətlə məşğuldur, bəziləri isə dərs prosesi zamanı məktəbdə təşkil olunmuş müəllimlərin fərdi hazırlığına gedirlər. Qərənfil xanımın direktor işlədiyi bu 5 il ərzində rayon təhsil sisteminə vurduğu zərbə bununla kifayətlənmir.

Belə ki, məktəbdə 120 yaxın müəllim çalışır. Etibarlı mənbədən verilən məlumata görə onlardan 70-80 nəfər müəllim işə gəlir. Qalanları isə yenə də aylıqdadır. Təsərrüfat işçiləri də həmçinin.

Məktəbdə 30-dan artıq texniki işçi olsa da 9 nəfər işçi işə çıxır. Qalan işçilərin əmək haqqı kartları Qərənfil xanımın cibində olub. Cəlilabad RTŞ-ya müdir təyin olunsa da 8 saylı məktəbdən əlin çəkmək fikri yoxdur.

Puldan gözü doymayan Qərənfil xanım müəllimlərin fevral və mart aylarının əmək haqqısı verilən zaman məktəbə siyahi göndərib ki, pullar yığılsın.

Sosial şəbəkələrdə yayılan məlumata görə bu vəzifəyə təyin olunmağı üçün icra başçısına 200 min manat rüşvət verib. Bu xanım Hafis Cavadovun dədəsinə rəhmət oxutdurur.

Sayt yazıb ki, Qərənfil xanımın həyat yoldaşı Rövşən adlı şəxsdir.O, uzun müddət Cinayət Məcəlləsinin müxtəlif maddələri ilə Rusiyanın Voronej şəhərində həbs həyatı yaşayıb.

O, kriminal aləmlə sıx bağlı olan bir şəxsdir. İndi şərti olaraq azadlıqa çıxmışdır. Araşdırmalar davam edir. Yeni faktlar təqdim edəcəyik.


loading...
OXŞAR XƏBƏRLƏR
FOTO QALERİ
XƏBƏR LENTİ
BÜTÜN XƏBƏRLƏR