Erməni deputatın evi atəşə tutuldu - Gürcüstanda silahlı insident
Gürcüstanda ermənilərin də məskunlaşdığı Axalkalaki bölgəsində silahlı insident baş verib.
Martın 26-da Gürcüstan parlamentinin erməni mənşəli deputatı Enzela Mkoyanın Axalkalakidəki evi odlu silahla atəşə tutulub.
Moderator.az xəbər verir ki, bu barədə "news.am" saytı məlumat yayıb.
Məlumata görə, deputatın evinə çoxsaylı insanlar toplaşıb, lakin bu barədə heç kim danışmaq istəmir, hadisə yerinə təcili yardım maşınları da gəlməyib.
Bildirilir ki, atəş E. Mkoyanın evinin yaxınlığındakı kafelərdən birindən açılıb. Kafenin isə Gürcüstan parlamentinin sabiq deputatı Samvel Petrosyana məxsus olduğu deyilir.
Hələlik hadisə barədə rəsmi məlumat verilməyib.