Kilis şəhərinin mərkəzinə iki raket mərmisi düşüb

Türkiyənin Suriya ilə sərhəddə yerləşən Kilis şəhərinin mərkəzinə iki raket mərmisi düşüb.

Bu barədə Reuters nəşrinə hüquq-mühafizə orqanlarındakı mənbə məlumat verib.

Hadisə zamanı ən azı iki nəfərin yaralandığı bildirilir. İnsidentin digər təfərrüatları açıqlanmır.

Qeyd edək ki, Kilis şəhəri bundan əvvəl Suriyada İŞİD-in nəzarət etdiyi ərazilərdən dəfələrlə raket atəşin tutulub. Nəticədə 18 nəfər həlak olub, 40 nəfər yaralanıb.

Türkiyə ordusu hər həmləyə cavab olaraq İŞİD mövqelərini bombalayıb.