Bu şəhərə gələnlərdən "ayaqqabı vergisi" alınacaq
İtaliyanın ən məşhur turist şəhərlərindən olan Venedikin İcra başçısı Luigi Brugnaro may ayından etibarən şəhərə gələnlərdən "ayaqqabı vergisi" alınacağını açıqlayıb.
Moderator.az xəbər verir ki, turizm naziri isə "Turistləri uzaqlaşdıracaq bir ölkə olmaq istəyirik?" deyərək layihəyə qarşı çıxıb.
İcra başçısı etdiyi açıqlamada 1 maydan etibarən şəhərə giriş üçün günlük 3 avro alınacağını bildirib. Giriş qiymətinə Venedikin tarixi şəhər mərkəzi və ətrafındakı adalar da daxildir.
Şəhərdə yaşayanlar, təhsil alanlar və bu bölgədəki otellərədə qalanlardan bu ödəniş tələb olunmayacaq.