“Mançester Siti” “Nyukasl”ı darmadağın etdi

“Mançester Siti” İngiltərə Premyer Liqasının 8-ci turunda “Nyukasl Yunayted”i darmadağın edib.

Mançesterdə keçirilən oyun meydan sahiblərinin 6:1 hesablı qələbəsi ilə bitib.

Argentinalı hücumçu Serxio Aquero 25 dəqiqədən az bir müddətə penta-trik rəsmiləşdirib — 42, 49, 50, 60 və 62-ci dəqiqələrdə. “Şəhərlilər”in heyətində daha bir dəfə Kevin de Bruyne fərqlənib.

“Nyukasl”ın heyətində isə yeganə qolu Aleksandr Mitroviç vurub.

İngiltərə. Premyer Liqa. 8-ci tur

“Mançester Siti” (Mançester) — “Nyukasl Yunayted” (Nyukas-apon-Taym) — 6:1

Qollar: Mitroviç, 18 (0:1); Aquero 42 (1:1); Aquero, 49 (2:1); Aquero, 50 (3:1); De Bruyne, 53 (4:1); Aquero, 60 (5:1); Aquero, 62 (6:1).

Qeyd edək ki, Aquero İngiltərə çempionatında bir oyunda beş qol vuran beşinci futbolçu oldu. Bundan əvvəl, Endi Koul, Alan Şirer, Cermen Defo və Dimitar Berbatov eyni uğura imza ata bilmişdirlər.