Almaniyanın "Borussiya" klubu heyətinə iki futbolçu cəlb edib.

Dortmund klubu "Hoffenhaym"dan Niko Şultsu transfer edib. 26 yaşlı sol cinah müdafiəçisinin keçidi Dortmund təmsilçisinə 25 milyon avroya başa gəlib.

Bundan əlavə, "Borussiya" Münhenqladbax "Borussiya"sından 26 yaşlı belçikalı yarımmüdafiəçi Torqan Hazardın transferini 20 milyon avroya bitirib.

Torqan Hazard bu mövsüm Bundesliqada 32 oyuna 10 qol vurub, 11 assist edib. Şults isə 29 qarşılaşmada 6 məhsuldar ötürmə ilə yadda qalıb.