Azad Rəhimov: Alonsoya o qədər pulu heç kim verməyib

17-06-2016, 13:47 519 dəfə baxılıb

Azad Rəhimov: Alonsoya o qədər pulu heç kim verməyib















“Azərbaycanın birbaşa gəlirləri bilet satışındandır”

Gənclər və idman naziri Azad Rəhimov bu gün başlayan “Formula-1” yarışlarının ölkəyə faydası və bu yarışlara çəkilən xərclər barədə danışıb.

Nazir APA-ya müsahibəsində deyib ki, Azərbaycanın birbaşa gəlirləri bilet satışındandır.

“Bu günə 2 milyon manatdan artıq bilet satılıb, amma digər gəlirlər birbaşa deyil. Onlar Bakıya gələn turistlərlə bağlıdır”, - deyə nazir bildirib.

Nazirin deməsinə görə, indi Bakı otellərində boş yerlər yoxdur, hamısına sifariş verilib. O bildirib ki, Azərbaycana 10-15 mindən artıq turist gəlib.

Daha sonra nazir İspaniyanın “Marca” nəşrində yer alan fikirlərlə bağlı verilən sualı cavablandırıb. Həmin nəşrdə yazılırdı ki, “Formula-1” yarışlarının Bakıda keçirilməsindən ötrü Azərbaycan 80 milyon dollar verib. Fernando Alonsonun yarışın rəsmi səfiri olmasına isə 2 milyon dollar ödənib.

“Dəfələrlə bu rəqəmlər barədə açıqlama vermişəm. Asfalt qatını dəyişməyə 12 milyon manata yaxın vəsait ayrılıb. “Azadlıq” meydanında o böyük binaya (“poddok”) 20 milyona qədər vəsait verilib.

Həmin bina alınıb, növbəti illərdə də istifadə olunacaq, yenidən almağa ehtiyac qalmayacaq. Sadəcə, qurulacaq. Şəhərdə xüsusi hasarlar tikilib, digər işlər görülüb. Sözsüz ki, Alonsoya o qədər pulu heç kim verməyib. Bu, düzgün məlumat deyil. Amma ümumilikdə bu işlərə dövlət və bütün sponsorlar tərəfindən 100 milyon manata yaxın pul xərclənəcək”, - deyə nazir qeyd edib.


loading...
OXŞAR XƏBƏRLƏR
XƏBƏR LENTİ
BÜTÜN XƏBƏRLƏR