Əhmədzadənin kürəkəninin Türkiyədə otelləri üzə çıxdı - FOTO

11-05-2020, 17:35 356 dəfə baxılıb

Əhmədzadənin kürəkəninin Türkiyədə otelləri üzə çıxdı - FOTO

"Meliorasiya və Su Təsərrüfatı" ASC-nin sədri Əhməd Əhmədzadənin qızı və kürəkəni Türkiyədə çoxsaylı obyektlərə, otellərə sahibdirlər.





Bu barədə araşdırmaçı-jurnalist Cavanşir Həsənli Facebook səhifəsində yazıb. "Meliorasiya və Su Təsərrüfatı" ASC-nin sədri Əhməd Əhmədzadənin oğlu Cümə Əhmədzadənin İngiltərə, Çexiya bə Türkiyədə dəyəri on milyonlarla ölçülən biznesi, otelləri və mülkləri artıq hamıya bəllidir.

Qurumun korrupsiya bataqlığına çevirmiş baş meliorator uzun illər ərzində dövlət vəsaitlərini talayaraq özünə səltənət qurub. Cümə Əhmədzadə öz ailəsinin Azərbaycandan xaricə milyonlar daşıyan yeganə üzvü deyil. Əhməd Əhmədzadənin qızı Vüsalə Əhmədzadə və kürəkəni İlham Rəcəbov da ölkə xaricində - Türkiyədə böyük biznesə, şirkətlərə, mülklərə sahibdir.

Baş melioratorun kürəkəni polkovnik Rəcəbov İlham Firudin oğlu hazırda Baş Dövlət Yol Polisi İdarəsinin rəis müavinidir. Əhməd Əhmədzadənin qızı və kürəkəni Türkiyədə ən azından 3 şirkət açıblar və bu şirkətlər üzərindən otellər, istirahət mərkəzlərinə sahibdirlər.

Bunlardan biri - GLOBAL INVESTMENTS GlDA SANAYİ VE TiCARET LİMİTED ŞİRKETİ 200 min lirə nizamnamə kapitalı ilə 2005-ci ildə İlham Rəcəbov və Hidayət Quliyev adlı şəriki tərəfindən təsis edilib.

Əhmədzadənin qızı və kürəkəninə məxsus daha ETİLER DIŞ TİCARET LİMİTED isə 23 dekabr 2006-cı ildə 100 min lirə nizamnamə kapitalı ilə İstanbulda qeydiyyatdan keçirilib. 2012-ci ildə baş melioratorun oğlu Cuma Əhmədzadə də şirkətə ortaq olub. Şirkətin ofisi İstanbulun ən bahalı iş mərkəzlərindən olan Atakule-nin 6-cı mərtəbəsində yerləşir.

DYP polkovnikinin və baş melioratorun qızı 3-cü şirkətlərini - SİRŞERMİYAT TURİZM EMLAK İNŞAAT TİCARET VE SANAYİ LİMİTEDi 2010-cu ilin avqustunda Antalyada təsis ediblər. Nizamnamə kapitalı 600 min lirə olan şirkət Antalyanın, KONYAALTI, GÜRSU MAH. AKDENİZ BULVARI 318 SOK. CLUB ERDOĞAN KONUTLARI C1 BLOK NO:12 ünvanında qeydiyyatdadır. Bu ünvan Əhmədzadənin qızı və kürəkəninə məxsus, 4,5 mlyon lirə dəyərində, dəniz mənzərəli ultralüks mənzildir.

SİRŞERMİYAT TURİZM şirkəti üzərindən Əhmədzadənin qızı və kürəkəni üçulduzlu otelə və istirahət mərkəzlərinə sahibdirlər".
Əhmədzadənin kürəkəninin Türkiyədə otelləri üzə çıxdı - FOTO
Əhmədzadənin kürəkəninin Türkiyədə otelləri üzə çıxdı - FOTO
Əhmədzadənin kürəkəninin Türkiyədə otelləri üzə çıxdı - FOTO


loading...
OXŞAR XƏBƏRLƏR
XƏBƏR LENTİ
BÜTÜN XƏBƏRLƏR