Ramanada 16 və 17 yaşlı gənclər qadını evində bıçaqladılar
BPİ məlumat yaydı
Bakının Ramana qəsəbəsinin Şuşa şəhərciyində bıçaqlanma hadisəsi baş verib.
Bu barədə Bakı Şəhər Baş Polis İdarəsindən bildiriblər.
Məlumata görə, noyabrın 3-də Ramana qəsəbəsi Şuşa şəhərciyində yaşayan Aynur Teymurovaya evində bıçaq xəsarətləri yetirilib.
Sabunçu rayon Polis İdarəsinin Cinayət-axtarış şöbəsi və 12-ci Polis bölməsinin əməkdaşlarının keçirdiyi birgə əməliyyat nəticəsində hadisəni törətməkdə şübhəli bilinən Ramana qəsəbə sakinləri – 1998-ci il təvəllüdlü Qulu Abdullayev və 1999-cu il təvəllüdlü Kamran Cəfərzadə tutulub.