Xəzər Hərbi Tədqiqatlar İnstitutunun rəhbəri, hərbi ekspert Cəsur Məmmədov maraqlı iddia ilə çıxış edib. JAMAZ.İNFO xəbər verir ki, ekspert Qarabağda erməni silahlılarının sayının 2 dəfə azaldığını deyib.

Onun sözlərinə görə, hazırda Qarabağda, rus sülhməramlılarının nəzarətində olan ərazimizdə 5 mindən artıq erməni silahlısı var. "4 ay bundan əvvəl onların sayı 10 mindən artıq idi”.

Cəsur Məmmədov bu məlumatları necə əldə etdiyinə də aydınlıq gətirib. O deyib ki, bu məlumatları əsasən erməni mənbələrindən toplayırlar. "Xüsusilə də Ermənistanın nisbətən müstəqil QHT-lərindən. Aydındır ki, eyni zamanda bölgədəki vəziyyəti təhlil edirik. Məsələn, Ermənistandan Azərbaycana əsgər göndərmə intensivliyi və s. Xarici jurnalistlərlə də əlaqələr qurub müəyyən rəqəmlər əldə edirik”.