“Biz televiziya və sosial şəbəkələr vasitəsilə çağırış etməliyik”
“Biz vətəndaşlara televiziya və sosial şəbəkələr vasitəsilə çağırış etməliyik”.
APA-nın məlumatına görə, bunu Milli Məclisin bu gün keçirilən plenar iclasında millət vəkili Fazil Mustafa deyib.
O bildirib ki, koronavirusla bağlı ayrıca qanun layihəsinin qəbul olunması məsələsi üzərində düşünmək lazımdır: “Bu qanunda tibb işçilərinin, yol polisinin, bu sahədə çalışan ayrı-ayrı insanların işinin tənzimlənməsi məsələsi əksini tapmalıdır. Təhlükə aradan qalxdıqdan sonra bu qanun onsuz da öz qüvvəsini itirəcək”.