Qəzalı, il, yoxsa az kilometrli avtomobil – Hansını alarsız?

7-07-2021, 09:38 212 dəfə baxılıb

Qəzalı, il, yoxsa az kilometrli avtomobil – Hansını alarsız?Yüksək kilometr yol qət etmiş maşın mütləq zədələnmiş və ya aşınmış anlamına gəlmir.

Dünyada ikinci əl avtomobil bazarı daha aktiv olduğundan Teleqraf.com mütəxəssislərin işlənmiş avtomobil alarkən diqqət yetirilməsi vacib saydığı maraqlı və faydalı fikirlərini təqdim edir.

Adətən alıcılar ikinci əl maşın alarkən "Zədələnmiş bir avtomobil ala bilərəmmi?" cavabını axtarır. Bu sualın cavabı avtomobilin nə qədər zədələndiyinə görə dəyişir. Məsələn, yüngül qəzadan sonra orijinal hissəsi ilə farası dəyişdirilmiş bir avtomobil almaq problem olmaya bilər. Amma ağır qəzadan sonra bir çox hissəsi dəyişdirilmiş avtomobilin alınması, həm sizin, həm də yoldakı digər şəxslərin təhlükəsizliyi üçün problem yarada bilər. Başqa sözlə, mütəxəssislər çox zərər görən avtomobili almağa müsbət rəy vermir.

Digər tərəfdən, əvvəlcə problemli olmayan avtomobiliniz daha əvvəl zədələndiyi üçün qüsurlu ola bilər və bu da xərclərin artmasına səbəb ola bilər. Nəzərdə tutduğunuz avtomobilə dəyən ziyanı və zərərin təhlükəsinin artıb-artmayacağını öyrənmək üçün mütəxəssislərdən kömək ala bilərsiniz. Bu səbəbdən avtomobil almadan əvvəl təhlükəsizliyiniz üçün bir mütəxəssis rəyi almalısınız.

Bəzən qəza zamanı zərər görmüş avtomobillərin həm zədələnmiş, həm də ona qoşulmuş hissələri məcburi dəyişdirilir. Dəyişdirilmiş hissənin vəziyyətini yenilənmiş boya sayəsində anlamaq mümkündür. Kiçik ziyana baxmayaraq, hissələrin dəyişdirilməsinə ehtiyac ola bilər. Bu məqamda hissələri dəyişdirilmiş bir avtomobilin alınıb-alınmaması ilə bağlı həlledici qərarı yalnız mütəxəssis verə bilər. Zədələnmiş və ya dəyişdirilmiş bir avtomobil alırsınızsa, yaşadığınız ərazidə yol şəraitini də nəzərə almalısınız. Çünki qəzalı avtomobilin sürəcəyiniz yola davam edib-etməyəcəyinə qərar vermək vacibdir.

Vətəndaşlar avtomobil alan zamanı ən çox neçə kilometr getdiyinə baxırlar. Hər şeydən öncə maşını satın almadan əvvəl mütəxəssislərin nəzərdən keçirilməsi üstünlük hesab olunur. Nəqliyyat vasitəsi keçid balını almasına baxmayaraq, bəzi hallarda yüksək məsafə üstünlük üçün bir səbəb deyil.

Mütəxəssislər deyir ki, maşın alarkən yüksək kilometrə sahib olması mütləq o avtomobilin zədələnmiş və ya köhnəlmiş olduğu anlamına gəlmir. 250-300 min kilometri yol qət edən bir avtomobil yaxşı ola bilər. Bəzən avtomobilin kilometri qanunsuz olaraq azaldıla da bilər. Bu zaman maşının son yoxlama məlumatlarını tələb etməklə məsafəsini öyrənmək mümkündür. Əgər nəqliyyat vasitəsi servis mərkəzlərində müayinədən keçibsə, hesabatlara daxil olmaq asandır.


loading...
OXŞAR XƏBƏRLƏR
FOTO QALERİ
XƏBƏR LENTİ
BÜTÜN XƏBƏRLƏR