Dünən axşam Beyləqanda korrupsiya halları ilə aprılan araşdırmalardan sonra iki məmur vəzifəsin itirməsi ilə bağlı xəbər vermişdik.
Azerinfo.tv-yə verilən məlumata görə icra başçısını humanitar məsələlər üzrə müavini Aytən Mirzəyeva və rayon təhsil şöbəsinin müdiri Xuraman Rüstəmova postları ilə vidalaşıblar.
İxtisarlar bu gün də davam edib.
Əvvəlcə Beyləqan Rayon İcra Hakimiyyəti Aparatının Ərazi idarəetmə və yerli özünüidarəetmə orqanları ilə iş şöbəsi müdiri İlqar Quliyev işdən çıxarılıb. Daha sonra Asif Ağayev birinci müavin Telman Məstanova qapını göstərib.


Mənbəmizin verdiyi məlumata görə sabiq başçı Vaqif Abdullayevin daha bir kadrı bugünlərdə istefaya göndəriləcək. Bu Beyləqan şəhər meri Bakir Balakişiyevdir ki, adı böyük yeyintilərdə hallanır.