Bakının 3-cü mikrorayon ərazisində şıdırğı qumar gedir

Ölkədə qumarın rəsmən qadağasına baxmayaraq, qanunsuz yolla gizli şəkildə qumarxanalar işlədənlərin sayı artır.

azinfo.tv xəbər verir ki, sözügedən ərazidəki “Narhauz” kafesində qumar oyunları gedir. Bu qanunsuzluq açıq şəkildə davam etdirilir. Həmin kafe “Xəzər” ticarət evinin yanında yerləşir.

Hətta bu məntəqəni işlədən sahibkar qabaqcadan təbliğata başlayıb və şəhərin müxtəlif ərazilərində loto oyununa dəvət üçün çağırış elanları paylayıb.

Hüquq-mühafizə orqanları mütəmadi olaraq qumarxanalarda reydlər keçirir və belə obyektləri aşkarlayırlar.