Azay Quliyev ATƏT PA-da təklif verdi: - Yeni təşkilat yaradılsın

4-10-2018, 14:39 465 dəfə baxılıb

Azay Quliyev ATƏT PA-da təklif verdi: - Yeni təşkilat yaradılsın



ATƏT Parlament Assambleyasının (PA) vitse-prezidenti, Azərbaycan Milli Məclisinin deputatı Azay Quliyev qurumun Bişkekdə keçirilən payız sessiyasında çıxış edib.

Trend-in məlumatına görə, A.Quliyev Mərkəzi Asiyada regional əməkdaşlığın daha da genişləndirilməsi yollarına toxunub.

Vitse-prezident, həmçinin parlament əməkdaşlığı sahəsində səmərəli platforma kimi Mərkəzi Asiya Parlament Assambleyasının yaradılması təklifini irəli sürüb.

Qeyd edək ki, ATƏT PA-nın payız sessiyası oktyabrın 3-də Bişkekdə öz işinə başlayıb. A.Quliyev və millət vəkili Tahir Mirkişili sessiyada iştirak edirlər.

Bişkekdə 3 sessiya çərçivəsində etimad və regional əməkdaşlıq vasitəsilə sərhəd bölgələrində yeni çağırış və təhdidlərə qarşı mübarizə, Aralıq Dənizi Forumu və vətəndaşların təhlükəsiz cəmiyyətlərin qurulmasında iştirakının gücləndirilməsi barədə məsələlər müzakirə edilir.

Sessiya çərçivəsində A.Quliyevin sədri olduğu İpək Yolu Dəstək Qrupunun iclası da keçiriləcək.
0




loading...
OXŞAR XƏBƏRLƏR
XƏBƏR LENTİ
BÜTÜN XƏBƏRLƏR