Bu gün Şəki rayonunda Azerinfo.azın əməkdaşı Teymur Rüstəmov, Regionxeber.tv-nin baş redaktoru Mübariz Nağıyev və Qarabağxeber MMC-nin baş direktoru Seymur Yusifov 57 BN 160 dövlət nömrə nişanlı VAZ 21074 markalı maşınla Şəki postundan keçərkən "Dayanmadan keçmək qadagandır" nişanının tələbini pozaraq qayda pozuntusuna yol veriblər. Bunu görə həmin ərazidə xidmət aparan Yol polisi əməkdaşı, 5-ci tağımın polis serjantı Namiq Osman oğlu Yusifov avtomobili saxlamış və qayda pozuntusuna görə protokol yazmamaq üçün 20 manat rüşvət tələb etmişdi. Lakin sürücü T. Rüstəmov həmin məbləği verə bilmədiyi üçün polis əməkdaşı protokol tərtib edərək sürücü T. Rüstəmova 40 manat cərimə yazmışdır.

Bu mövzuyla bağlı qarşı tərəfin münasibətlərini öyrənməyə çalışacağıq.