Milyarder İsgəndər Xəlilov Neftçalada: Bir nəfəri də işdən çıxarmayın

20-01-2016, 11:57 743 dəfə baxılıb

Milyarder İsgəndər Xəlilov Neftçalada: Bir nəfəri də işdən çıxarmayın




















İcra başçısı iş adamının səfərindən ən sonda xəbər tutub

Rusiyada yaşayan nüfuzlu azərbaycanlı iş adamı, “İSR Holding” şirkətlər qrupunun prezidenti İsgəndər Xəlilov dünən gözlənilmədən Azərbaycanın Neftçala rayonuna səfər edib.

azinfo.tv-nin Virtualaz.org-a istinadən verdiyi xəbərə görə, milyarder Neftçalada onun holdinqinə məxsus olan “Azəryod” ASC-yə baş çəkib.

Maraqlıdır ki, iş adamının Neftçalaya səfəri haqda heç rayon icra hakimiyyətinin başçısının da xəbəri olmayıb. İcra hakimiyyətinin başçısı İsmayıl Vəliyev səfərdən ancaq İ.Xəlilovun rayonu tərk etməsindən sonra xəbər tutub.

Saytın müxbiri xəbər verir ki, İ.Xəlilov yod zavodunun işçiləri ilə söhbət edib. Hazırda dünya bazarlarında yodun qiymətinin kəskin aşağı düşməsi nəticəsində müəssisə böhranlı günlərini yaşayır.

İ.Xəlilov zavodun istehsal sahələrini də gəzib. Milyarder zavodun rəhbərliyinə göstəriş verib ki, mövcud mürəkkəb vəziyyətə baxmayaraq müəssisənin 250 işçisindən bir nəfəri də işdən azad etməsin.

“Azəryod” ASC texniki və kristallaşmış yod istehsal edir. Hazırda ildə 400 ton yod buraxır, bu isə ölkənin yoda tələbatından 25 dəfə çoxdur. Zavodun baş direktoru İ.Xəlilovun qohumu Rəşad Xəlilovdur.

Son illər bu müəssisənin işə düşməsindən sonra Neftçalada yod istehsalı xeyli artıb. Azərbaycanda yod-bromlu su quyuları ancaq Neftçaladadır. Rayon ərazisində 110 belə quyu var, onlardan 77-i istismar olunur. İstehsal gücünə görə Neftçala yod zavodu MDB-də birinci, dünyada üçüncüdür.

2 il əvvəl dünya bazarında 1 ton yod 30 min ABŞ dollarından baha satılsa da, hazırda qiymət2-3 dəfə aşağı düşüb, istehsal olunmuş məhsulu satmaq problemi yaranıb.


loading...
OXŞAR XƏBƏRLƏR
XƏBƏR LENTİ
BÜTÜN XƏBƏRLƏR