Qızın erməni ilə yazışması da araşdırılır

Şəki Polis Şöbəsi əməkdaşlarının keçirdiyi əməliyyat zamanı şantaj yolu ilə pul tələb edən 2 nəfər saxlanılıb.

Anspress xəbər verir ki, həmin şəxslər Leyli Çobanovaya (ad, soyad şərtidir) lüt şəkillərini internetdə yayacaqları ilə bağlı hədə-qorxu gələrək, ondan 500 manat pul istəyiblər.

Qızın atası dərhal polisi məlumatlandırıb. Daxil olmuş məlumat əsasında xüsusi əməliyyat keçirilib. Əməliyyat zamanı Şəki sakini Elşən Hüseynov və Sumqayıt şəhər sakini Bəhruz Qurbanov hədə-qorxu ilə tələb etdikləri pulu alarkən saxlanılıblar.

Əməliyyat zamanı o da məlum olub ki, şantal yolu ilə pul tələb edənlərdən biri-Elşən Hüseynov qızın yaxın qohumu olub. Elşən Hüseynov bildirib ki, qohumunun erməni ilə yazışdığını bilib və bundan sonra özü başqa bir adla onunla internet vasitəsi ilə yazışıb. Elə çılpaq şəkillərini də qız özü ona göndərib.

Səki rayon Polis Şöbəsindən verilən məlumata görə, Elşən Hüseynov adam öldürmə maddəsi ilə Rusiya Federasiyasının axtarışında imiş.

Saxlanılanlardan digəri Bəhruz Qurbanov isə cəzaçəkmə müəssisəsindən qaçıb. Şəki Polis Şöbəsində qızın erməni ilə yazışması iddiası da hazırda araşdırılır.

Faktla bağlı cinayət işi başlanılıb.

19.10.2015

Şəkidə qadını şantaj edən şəxs tutulub.

Daxili İşlər Nazirliyindən daxil olan məlumata görə, Şəki ŞRPŞ əməkdaşlarının həyata keçirdikləri əməliyyat-axtarış tədbirləri nəticəsində oktyabrın 18-də şəhər sakini Məmmədəli Nadirovu qızı barəsində rüsvayedici məlumatlar yayacağı ilə hədələyib ondan 500 manat almış həmyerlisi, əvvəllər məhkum olunmuş Elşən Hüseynov tutulub.

E.Hüseynovun Rusiya Federasiyası Cinayət Məcəlləsinin 105-ci maddəsi (qəsdən adam öldürmə) ilə axtarışda olması müəyyən edilib.