Beyrutda baş verən terror aktlarında ölənlərin sayı 37-yə çatdı - YENİLƏNİB
Partlayışlara görə İŞİD məsuliyyəti öz üzərinə götürdü
İŞİD yaraqlıları Beyrutun cənub istiqamətində baş verən partlayışların arxasında durduğunu bəyan edib.
Bu barədə LifeNews xəbər verir.
Yerli KİV-in məlumatına görə, terror aktı nəticəsində 37 nəfər həlak olub, 180 nəfər yaralanıb.
22:07
Livanın paytaxtı Beyrutda baş verən terror aktlarının qurbanlarının sayı 37-yə çatıb.
RİA Novosti-nin məlumatına görə, 180 yerli sakin partlayışlar zamanı müxtəlif xəsarətlər alıb.
21:35
Livanın paytaxtı Beyrutun cənubunda Burc-əl-Barac rayonunda baş vermiş partlayışlar nəticəsində səkkiz nəfər ölüb, 40 nəfər yaralanıb.
Bu barədə Qırmızı Xaç komitəsinin Livandakı nümayəndəliyi məlumat yayıb.
“Əl-Mayadin” telekanalının məlumatına görə, terror aktları motosikletdə olan terrorçu-kamikadzelər tərəfindən törədilib.
İlkin məlumata əsasən, onlardan biri şiə məscidinin, digəri isə Əl-Mansur ticarət mərkəzinin yanında özünü partladıb.
Hüquq-mühafizə orqanlarının əməkdaşları hadisə yerlərini mühasirəyə alıblar.
Ekspertlər terror hadisələrinə görə məsuliyyəti İŞİD təşkilatının üzərinə qoyurlar.