İsraildə "erməni soyqırımı"nın tanınması ilə bağlı səsvermənin gündəlikdən çıxarılmasının səbəbi açıqlanıb.

Maariv nəşri yazır ki, İsrail "erməni soyqırımı"nın tanınması ilə bağlı səsvermədən Azərbaycan neftini itirmək qorxusuna görə imtina edib.

Məlumata görə, iyunun sonunda Azərbaycanın xarici işlər naziri Ceyhun Bayramov israilli həmkarı Gideon Saarla söhbətində Bakının narazılığını çatdırıb. Buna baxmayaraq, İsrail Nazirlər Kabineti qətnaməni təsdiqləyib.

Lakin pərdəarxası müzakirələr zamanı İsrailin Azərbaycanla strateji enerji asılılığı əsas arqumentə çevrilib. Bildirilir ki, İsrailin idxal etdiyi neftin 40 faizdən çoxu Azərbaycandan tədarük olunur.

Knessetdə qətnamənin qəbulu üçün kifayət qədər dəstək olmadığından məsələ gündəlikdən çıxarılıb.musavat.com