Rusiya prezidenti Vladimir Putin Dövlət Dumasına “Cinayətkar ierarxiyada yüksək məqam tutmaq haqqında” qanun layihəsi göndərib.

Putin hesab edir ki, hazırda kriminal avtoritetlər cinayətkar aləmda daşıdıqları statuslarından istifadə edərək, məsuliyyətdən yayına bilirlər:
“Belə şəxslər üçün cinayətkar ierarxiyada yüksək məqam tutmaq faktına görə cinayət məsuliyyəti nəzərdə tutulmayıb”.

Prezidentin Dumaya göndərdiyi qanun layihəsində cinayətkar aləmdə yüksək status daşıyanların 8 ildən 15 ilədək azadlıqdan məhrum edilməsi, yaxud da 5 milyon rubl məbləğində cərimə olunması nəzərdə tutulur.