Rio-2016 Yay Olimpiya Oyunlarında boks yarışları davam edir

Azərbaycan yığmasının daha bir üzvü ikinci döyüşünə çıxıb.

Superağır çəkidə (+91kq) mübarizə aparan Məhəmmədrəsul Məcidov 1/8 final mərhələsində gücünü sınayıb.

30 yaşlı idmançımzın rəqibi qazaxıstanlı İvan Dıçko olub.

İlk raud Dıçkonun üstünlüyü ilə tamamlanıb.

İkinci raundun ortalarında Məcidov qaşından zərbə alıb. Nəticədə zərbə onun gözlərinə təsir edib. Məcidov döyüşü davam etdirmək istədəsə də, həkimlər döyüşün dayandırılmasına qərar veriblər.

Həmyerlimizə texniki məğlubiyyət verilib.