Əbədi Birlik GİB və BMT tərəfdaşı Beynəlxalq İnsan Hüquqlarının Müdafiə komitəsi müştərək layihələr keçirməklə bağlı əməkdaşlığa başladı

30-10-2023, 10:29 89 dəfə baxılıb

BMT-nin tərəfdaşı Beynəlxalq İnsan Hüquqları Müdafiə komitəsi tərəfindən Azərbaycanda insan hüquqlarının müdafiəsinin Beynəlxalq konvensiyalara nəzərən yerinə yetirilməsi və gənclər təşkilatları ilə əməkdaşlıqların qurulması mövzusunda görüş keçirildi. Tədbirdə Azərbaycanda səfərdə olan BMT-nin tərəfdaşı Beynəlxalq İnsan Hüquqları Müdafiə komitəsinin vitse-prezidenti Matias Meroving, mətbuat katibi Darya Znamenskaia, maliyyə departamentinin rəhbəri Firdovsi Ələkbərov, Orta Asiya üzrə nümayəndəsi Mirdaməd Əzizov, Rusiya üzrə nümayəndəsi Elşən Əzizov, Azərbaycan üzrə nümayəndəsi Könül Verdiyeva, “Əbədi Birlik” Gənclər İctimai Birliyinin təsisçisi və sədri Şahin Əliyev, maliyyə departamentinin rəhbəri Murad Nəbiyev, təşkilati məsələlər üzrə katib Kamran Əsədov və digər nümayəndələr iştirak ediblər.
Tədbir zamanı BMT-nin tərəfdaşı Beynəlxalq İnsan Hüquqları Müdafiə komitəsi ilə “Əbədi Birlik” Gənclər İctimai Birliyi arasında olacaq əməkdaşlıqlar və birlikdə ediləcək layihələrə toxunulub.

BMT-nin tərəfdaşı Beynəlxalq İnsan Hüquqları Müdafiə komitəsinin vitse-prezidenti Matias Meroving, mətbuat katibi Darya Znamenskaia Azərbaycanda insan haqqlarının beynəlxalq hüquq və konvensiyalara uyğun olaraq qorunduğunu dəfələrlə vurğulayaraq Azərbaycanın fəaliyyətini dəstəklədiyini bildirib, gənclər təşkilatları ilə əməkdaşlıq etməkdən məmnun olduqlarını bildirib.

BMT-nin tərəfdaşı Beynəlxalq İnsan Hüquqları Müdafiə komitəsinin Orta Asiya üzrə nümayəndəsi, “Əbədi Birlik” Gənclər İctimai Birliyinin fəxri üzvü Mirdaməd Əzizov Azərbaycanın Qarabağ və diplomatiya masasında qazandığı zəfərlərdən danışıb. Çıxışında BMT-nin tərəfdaşı Beynəlxalq İnsan Hüquqları Müdafiə komitəsinin fəaliyyət istiqamətlərinə ətraflı toxunub.
“Əbədi Birlik” Gənclər İctimai Birliyinin təsisçisi və sədri Şahin Əliyev qonaqları salamlayaraq prezidentin gənclər siyasətindən, BMT-nin tərəfdaşı Beynəlxalq İnsan Hüquqları Müdafiə komitəsi ilə “Əbədi Birlik” Gənclər İctimai Birliyi arasında olacaq əməkdaşlıqların fəaliyyət istiqamətlərinin vacibliyindən danışıb.

Tədbir zamanı Ulu Öndər Heydər Əliyevin və Zərifə xanım Əliyevanın məzarı ziyarət edilib, məzarlarına tər qərənfillər düzülüb.