İmişli poçtunun rəisi həbs olunacaqmı: Vilyam Hacıyevin cinayətlərinə şərik olub-VİDEO

30-06-2020, 21:42 1076 dəfə baxılıb

İmişli poçtunun rəisi həbs olunacaqmı: Vilyam Hacıyevin cinayətlərinə şərik olub-VİDEO


Azərbaycanda karonavirusa yoluxanların sayı artıq gündəlik olaraq 500 nəfəri ötür.
Ciddi karantin rejimi, həkimlərin, polislərin fədakar əməyi belə yoluxmanın artmasına mane ola bilmədi. Həm əhalinin müəyyən hissəsinin intizamsızlığı, həm bəzi dövlət məmurlarının məsuliyyətsizliyi buna şərait yaratdı.
İmişli poçtunda 190 manat müavinətə görə yaranan sıxlıq yadınızdadır?
Xüsusi karantin rejiminin davam etdiyi bir vaxtda İmişli Rayon Mərkəzi Poçtunda yaşanan mənzərənin varlığı, sanki hər kəsi dəhşətə gətirirdi. Çünki, Mərkəzi Poçtun rəisi Adəm Səfərovun xüsusi karantin rejiminin tələblərinə əməl olunması yöndə lazımi tədbirlər görmədiyindən, 190 manat birdəfəlik ödəmələri alan sakinlər, poçtun içərisində bir-biri ilə olduqca yaxın məsafədə dayanırlardılar. Həyata keçirilmiş video-çəkilişlərdən də görünürdü ki, poçtun zalında heç bir qanun-qaydaya riayət olunmur, sakinlər maskadan, əlcəkdən istifadə etmirlər. Belə bir halın varlığı, məhz bir kimsədə ola biləcək pandemiyanın yayılma riskini daha da artırırdı.
İmişli Rayon Mərkəzi Poçtunda yaşanan mənzərənin varlığını təhlil edib belə bir nəticəyə gəlmək olardı ki, Adəm Səfərov nə ölkə rəhbəri cənab İlham Əliyevin çağırışlarına, nə də ki, Nazirlər Kabineti yanında fəaliyyət göstərən Operativ Qərargahın tətbiq etdiyi xüsusi karantin rejiminin qaydalarına məhəl qoymayan vəzifə sahibidir.
Maraqlıdır, indi həmin süjetdə kadra düşən insanlardan görən neçəsi bu dəhşətli virusa yoluxub?
Ancaq bunlar poçt rəhbərliyini maraqlandırmır. Həmin vaxt əməllicə qazanc əldə etmişdilər. Adəm Səfərov və poçtun diğər işçiləri özləri burda olmayan, lakin adlarına 190 manat müavinət yazılan neçə vətəndaşın pulunu mənimsəyiblər.
İmişli Rayon Mərkəzi Poçtunda işləyən sıravi əməkdaşın aylıq maaşı 300 manatdan çox deyil. Ancaq gördüyünüz kimi hər gün müxtəlif rayonlarda, bahalı istirahət mərkəzlərində məclislər düzəldirlər.
Kiçik məvaciblə hər həftə Quba, Masallı, Şəki, Balakən və Qaxda necə istirahət etmək olar.
Rayondan mənbəmizin verdiyi məlumata görə sıravi işçilərdə rəhbərliyin korrupsiya əməllərinə şərikdirlər.
Adəm Səfərovun özünə gəlincə onun sabiq icra başçısı, DTX tərəfindən kabinetdəcə qandallanan Vilyam Hacıyevin kadrı olduğu deyilir.
Vilyam Hacıyev uzun illər dövlət büdcəsini talamış, hədsiz var-dövlət yığmışdı. İllərlə vətəndaşları dövlətdən narazı salmış, onların dərdini-sərini dinləməmişdi.
Bəs necə olurdu ki, rayon əhalisinin Vilyam Hacıyevin qanunsuz əməlləri ilə bağlı şikayətləri Prezident Aparatına, diğər əlaqədar orqanlara gedib çatmırdı.
İmişlidəki mənbələr xəbər verir ki, bunda Adəm Səfərovun rolu olub.
İmişli rayon sakinlərinin Bakıya müxtəlif orqanlara göndərdiyi şikayət məktubları Adəm Səfərov tərəfindən açılaraq oxunur və məzmunu dəyişdirilib təşəkkür məktubu edilirmiş. Diqqət yetirin rayon sakini üzləşdiyi qanunsuzluğa görə Azərbaycan Respublikasının Prezidenti cənab İlham Əliyevə şikayət məktubu göndərir.Poçtun rəisi həmin məktubu açıb oxuyub məzmununu dəyişdirib təşəkkür yazıb oxşar imza edib həmin məktubu prezidentə göndərir.Bununlada həmin vətəndaş narazı qaldığı vəzifəli şəxsdən şikayət yox ondan prezidentə minnətdarlıq etmiş olur ki, çox sağ olun ki, İmişlidə rayonunda belə bir vəzifəli şəxs var.
Belə olmasa idi Vilyam Hacıyev dönəmi çox əvvəldən bitərdi.
Adəm Səfərovun da əməllərinə hüquqi qiymət verilməsinin vaxtı çatıb.


loading...
OXŞAR XƏBƏRLƏR
XƏBƏR LENTİ
BÜTÜN XƏBƏRLƏR