Avropa Azərbaycan Cəmiyyətinin təsisçisi və sədri, "Qəbələ” idman klubunun sabiq prezidenti, Fövqəladə hallar naziri Kəmaləddin Heydərovun oğlu Taleh Heydərov İngiltərədə vətəndaşlıq alıb. Unikal.org-un yaydığı məlumata görə, hazırda İngiltərədə yaşayan nazir oğlu demək olar ki, Azərbaycandakı biznes strukturlarının hamısını həmin ölkəyə daşıyıb.
Onu da nəzərə çatdıraq ki, bir müddət öncə sayta açıqlama verən Ağsaqqallar Şurasının sədri, millət vəkili Fətah Heydərov nəvəsi T.Heydərovun xaricdə olduğunu təsdiqləmişdi.