İki liderin Parisdə qarşı-qarşıya gələcəkləri güman edilir

Türkiyə hava məkanına daxil olan Rusiya təyyərəsinin vurulmasından sonra prezident Ərdoğan və Rusiyanın dövlət başçısı Vladimir Putinin İqlim dəyişikliklərinə həsr olunmuş zirvə toplantısında görüşü gözlənilir.

Bu barədə Türkiyə mətbuatı məlumat yayıb.

Bildirilir ki, Parisdə keçiriləcək görüşdə 147 dövlət və hökumət başçısı iştirak edəcək. İqlim dəyişikliklərinə həsr olunmuş zirvə toplantısı bazar ertəsi, noyabrın 30-da baş tutacaq

Zirvə toplantısı çərçivəsində Ərdoğan və Putinin rəsmi görüşünün keçirilməsi proqrama daxil olmasa da, iki liderin Parisdə qarşı-qarşıya gələcəkləri güman edilir.