Sonra isə heç nə olmayıbmış kimi yoluna davam edir

Heydər Əliyev prospektində baş vermiş qəzaya kobud qayda pozuntusu səbəb olub.

azinfo.tv-nin avtosfer.az-a istinadən məlumatına görə, Heydər Əliyev prospektində köməkçi yolda ikinci zolaqla hərəkət edən yük maşını qəflətən sola dönərək əsas yola çıxıb. Bu zaman birinci zolaqdan əsas yola dönən “Mersedes” yük maşını ilə toqquşmamaq üçün sükanı sola çəkib.

Nəticədə əsas yolla hərəkətdə olan evakuator da qəzadan yayınmaq üçün sükanı sola çəkdikdə sol zolaqdakı “Mitsubishi”yə dəyib və idarəetməni itirərərək səkiyə çıxıb qəzaya uğrayıb.

Qəzaya səbəb olan yük maşını isə heç nə olmayıbmış kimi yoluna davam edir.