Mingəçevirdə saxta pulla avtomobil alan şəxs saxlanılıb

azinfo.tv Daxili İşlər Nazirliyinin saytına istinadən bildirir ki, cari il may ayının 25-də Tərtər şəhər sakini Elxan Hacıyev Goranboy RPŞ-yə müraciət edərək, “Mercedes” markalı avtomobili İlham adlı şəxsə 2500 ABŞ dollarına və 350 manata satmasını, lakin aldığı əskinaslardan 14 ədəd 100 dollarlığın saxta olmasını bildirib.

Faktla əlaqədar cinayət işi başlanıb.

Goranboy RPŞ əməkdaşlarının həyata keçirdikləri əməliyyat-axtarış tədbirləri nəticəsində hadisəni törətmiş Mingəçevir şəhər sakini Ruslan Əliyev tutulub.