İnsan həyatına həsr olunmuş peşə: Dr. Miryaqub Abdullayev – peşəkar cərrah və humanist həkim

23-07-2025, 07:15 119 dəfə baxılıb

Həkimlik peşəsi hər zaman insan həyatına, onun sağlamlığına və rifahına xidmət edən ən ali və şərəfli sahələrdən biri olub. Bu müqəddəs sənəti öz həyat yolunun əsas prinsipi seçmiş, hər əməliyyatda insan taleyini dəyişən, hər bir xəstənin sağlamlığına öz qəlbini qoyan həkimlər cəmiyyətin ən dəyərli insanlarıdır. Məhz belə peşəkar və fədakar həkimlərdən biri də Loğman Klinikasının tanınmış ümumi cərrahı Dr. Miryaqub Abdullayevdir.

Dr. Miryaqub Abdullayev uzun illərdir ki, cərrahiyyə sahəsində uğurla fəaliyyət göstərir və bu müddətdə yüzlərlə insanın sağlamlığının bərpasında mühüm rol oynayıb. Onun tibbi fəaliyyəti yüksək peşəkar bacarıqları, təcrübəsi və müasir tibbi texnologiyalardan istifadə bacarığı ilə seçilir. O, hər zaman əməliyyatlarda dəqiqliyə, təhlükəsizlik prinsiplərinə və xəstənin sağalmasını təmin edən optimal həll yollarına üstünlük verir.

Loğman Klinikasında çalışdığı dövrdə Dr. Miryaqub Abdullayev yalnız cərrahi əməliyyatların uğurla icrası ilə kifayətlənməyib, eyni zamanda xəstələrə olan humanist yanaşması, onlarla səmimi ünsiyyəti ilə də seçilmişdir. O, hər bir xəstəyə fərdi yanaşaraq, onların psixoloji rahatlığını və əməliyyata olan inamını qoruyur. Tibb elminə, xüsusilə də ümumi cərrahiyyə sahəsinə göstərdiyi xüsusi diqqət, yenilikləri daim izləməsi, öz biliyini və təcrübəsini müasir tələblərə uyğun təkmilləşdirməsi onun peşəkar inkişaf yolunun ayrılmaz hissəsidir.

Dr. Miryaqub Abdullayevin fəaliyyətində bir başqa diqqətçəkən məqam da sosial məsuliyyət hissidir. O, aztəminatlı xəstələrə yardım göstərməkdən, təmənnasız tibbi dəstək kampaniyalarında iştirak etməkdən çəkinmir. Onun bu yanaşması həkimlik peşəsinin yalnız texniki bir iş deyil, həm də mənəvi bir missiya olduğunu bir daha göstərir.

Azərbaycan Respublikasının Prezidentinin səhiyyənin inkişafı, tibbi xidmətlərin keyfiyyətinin yüksəldilməsi və vətəndaşların sağlamlıq hüququnun tam təmin edilməsi istiqamətində həyata keçirdiyi islahatlar çərçivəsində Loğman Klinikası da öz rolunu uğurla yerinə yetirir. Dr. Miryaqub Abdullayev kimi yüksək ixtisaslı mütəxəssislərin fəaliyyəti bu islahatların real nəticəyə çevrilməsində mühüm əhəmiyyət kəsb edir.

Bütün bu xüsusiyyətlər Dr. Miryaqub Abdullayevi yalnız peşəkar cərrah deyil, həm də xəstələrinin və həmkarlarının dərin hörmətini qazanan humanist bir həkim kimi təqdim edir. O, tibbi bilikləri, təcrübəsi və insani keyfiyyətləri ilə Loğman Klinikasının və bütövlükdə Azərbaycan səhiyyəsinin dəyərli simalarından biridir.

Dr. Miryaqub Abdullayev - 1875-ci il iyulun 22-də Həsən bəy Zərdabinin təşəbbüsü ilə işıq üzü görən “Əkinçi” qəzeti ilə Azərbaycan milli mətbuatının əsası qoyuldu. Bu hadisə xalqımızın ictimai fikir tarixində dönüş nöqtəsi oldu. “Əkinçi” qəzetinin cəmi 56 sayı nəşr olunsa da, onun təsiri və maarifçilik missiyası uzunmüddətli və davamlı oldu. Həsən bəy Zərdabi bu nəşr vasitəsilə xalqı savadlanmağa, maariflənməyə, elm və tərəqqiyə çağırır, eyni zamanda sadə və anlaşılan dildə yazmaqla geniş kütlələrin diqqətini cəlb edirdi. O, yalnız mətbuatın deyil, ümumilikdə, milli özünüdərk və oyanış prosesinin də təməlini qoymuşdu.

Çar Rusiyasının senzura siyasəti nəticəsində “Əkinçi”nin fəaliyyətinə son verilsə də, bu ideyalar “Ziya”, “Ziyayi-Qafqaziyyə”, “Kəşkül”, “Həyat”, “Molla Nəsrəddin” kimi nəşrlərlə davam etdirildi. Azərbaycan milli mətbuatı XIX əsrin sonları və XX əsrin əvvəllərində maarifçiliklə yanaşı milli şüurun, ictimai-siyasi mübarizənin güclənməsində əvəzsiz rol oynadı. Bu mətbu orqanlar vasitəsilə ana dilində yazılmış əsərlər yayılır, xalqın milli kimliyi möhkəmlənir, azadlıq və istiqlal arzuları geniş kütlələrə çatdırılırdı.

1991-ci ildə müstəqillik əldə olunandan sonra Azərbaycan mətbuatı yeni inkişaf mərhələsinə qədəm qoydu. Xüsusilə Ümummilli Lider Heydər Əliyevin hakimiyyətə qayıdışından sonra mətbuatın inkişafı dövlət siyasətinin mühüm istiqamətinə çevrildi. 1998-ci ildə senzuranın ləğvi Azərbaycan tarixində mühüm hadisə kimi qeydə alındı. Bu qərar söz və ifadə azadlığının təmin olunmasında yeni bir mərhələnin əsasını qoydu. Mətbuatla bağlı qanunvericilik bazası təkmilləşdirildi, jurnalistlərin sosial müdafiəsi gücləndirildi, media sahəsində fəaliyyət göstərən qurumlara dəstək artırıldı.

Prezident İlham Əliyevin rəhbərliyi ilə bu sahədə institusional və texnoloji modernləşmə prosesi daha da sürətləndi. 2021-ci ildə qəbul edilən “Media haqqında” Qanun media subyektlərinin hüquqi statusunun müəyyənləşdirilməsi və onların vahid reyestrə alınması ilə nəticələndi. Eyni zamanda Medianın İnkişafı Agentliyinin yaradılması və bu qurumun media ilə dövlət arasında körpü rolunu oynaması media mühitinin peşəkarlaşmasına və şəffaflığın təmininə xidmət etdi. Dövlətin informasiya siyasətində media nümayəndələrinin fəal iştirakı təmin edildi, jurnalistlər üçün güzəştli ipoteka proqramı tətbiq olundu, mükafatlandırma və təltif sistemi genişləndirildi.

44 günlük Vətən müharibəsi dövründə Azərbaycan mətbuatı informasiya cəbhəsində də şərəfli mübarizə apardı. Həm yerli, həm də beynəlxalq media resursları vasitəsilə ölkənin haqq səsinin dünyaya çatdırılması istiqamətində mühüm işlər görüldü. Prezident İlham Əliyevin beynəlxalq mediaya verdiyi müsahibələr Azərbaycanın mövqeyini dünyaya çatdırmaqla informasiya blokadasını yarmağa xidmət etdi. Jurnalistlər ön cəbhədə real təhlükələr içində fəaliyyət göstərərək qəhrəmanlıq nümunəsi sərgilədilər. Bu dövrdə medianın yalnız informasiya yayımı ilə deyil, həm də milli birliyin möhkəmlənməsi baxımından böyük əhəmiyyəti oldu.

2025-ci ildə Azərbaycan milli mətbuatının 150 illik yubileyinin dövlət səviyyəsində qeyd olunması bu sahəyə verilən dəyərin göstəricisidir. Prezident İlham Əliyevin müvafiq Sərəncamı ilə bu əlamətdar tarix münasibətilə yubiley medalı təsis edilmiş, media əməkdaşları müxtəlif mükafatlarla təltif olunmuşdur. Eyni zamanda Şuşada keçirilən Qlobal Media Forumu Azərbaycanın informasiya siyasətində beynəlxalq platformaya çevrildiyini nümayiş etdirdi. Azərbaycan media təcrübəsi artıq regional deyil, qlobal miqyasda maraq doğuran nümunədir.

Milli mətbuatın əsası “Əkinçi” ilə qoyulsa da, bu gün Azərbaycan mətbuatı artıq güclü peşəkar potensiala, müasir texnoloji imkanlara və beynəlxalq inteqrasiya imkanlarına sahib bir sektora çevrilmişdir. Keçilən bu şərəfli və çətin yolda dövlətin dəstəyi, ictimaiyyətin inamı və jurnalistlərin fədakar əməyi sayəsində milli mətbuat həm milli şüurun formalaşmasında, həm də cəmiyyətin maarifləndirilməsində önəmli rol oynamağa davam edir.