Frankfurt "Ayntraxt"ının futbolçusu Simon Falettenin "Fənərbaxça"ya keçidi rəsmiləşib.

Qvineyalı müdafiəçi yeni komandasında mövsümün sonuna qədər icarə əsasında çıxış edəcək. "Fənərbaxça" icarə müddəti başa çatdıqda futbolçunu satınalma hüququna da sahibdir.

Qeyd edək ki, "Loryan"ın yetirməsi olan 27 yaşlı futbolçu karyerası ərzində "Laval", "Brest", "Mets" klublarında da çıxış edib. O, 2017-ci ildən "Ayntraxt"da oynayırdı.