“YouTube” sosial şəbəkəsi oktyabrın 28-i pullu abunə tətbiq edəcək ki, bu da istifadəçilərə video çarxlara reklamsız baxmaq imkanı verəcək

Bu barədə videohostinqin yaydığı məlumatda bildirilir.
“YouTube Red” adlanacaq xidmətin qiyməti ayda 9,99 ABŞ dolları olacaq. Bu xidməti aktivləşdirən istifadəçilər, həmçinin videoları yükləyərək internet olmadan da izləyə biləcəklər. Eyni zamanda onlar 2016-cı ildə onlar bir sıra film və videolara eksklüziv giriş əldə edə biləcəklər.
Bundan əlavə, yeni xidmət abunə olanlar “Google Play Music”, “YouTube Gaming”, daha sonra “YouTube Music” tətbiqindən isifadə edə biləcək. ABŞ sakinləri 28 oktyabrdan bəri bir ay ərzində “YouTube Red” xidmətindən pulsuz olaraq istifadə edə biləcəklər.
Məlumatda vurğulanır ki, istifadəçilər video resursların böyük əksəriyyətinə pulsuz olaraq izləyə biləcəklər.