Qarabağ qazisi Niyaz Ələsgərov vəfat edib. Mərhum dünən axşam 45 yaşında dünyasını dəyişib.

Azerinfo.tv xəbər verir ki, Niyaz Ələsgərov peşəkar hərbçi olub. O, 1997-ci ildə cəbhənin Tərtər istiqamətində xidmətə başlayıb. Elə həmin il düşmənlə qeyri-bərabər döyüşdə ayağından və budundan ağır yaralanıb. Buna baxmayaraq, düşmən geri oturdulana kimi döyüş meydanını tərk etməyib.

Niyaz Ələsgərov kəşfiyyatçı olub. Qüsursuz xidmətinə görə Müdafiə Nazirliyinin rəhbərliyi tərəfindən dəfələrlə mükafatlandırılıb.

Mərhum doğulduğu Cəlilabad rayonunun Əsədli kəndində bu gün torpağa tapşırılıb.

Allah rəhmət eləsin!