Avstraliyanın Kanberra şəhərində yaşayan 34 yaşlı Viet Doan məktəbli olarkən məktəbin ən zəif uşağı olaraq tanınırdı.

1.87 metr boya sahib olan Viet Doan 19 yaşında olarkən sadəcə 58 kiloqram idi.

Əslən vietnamlı olan Viet Doan Arnold Şvasneyqer filmlərini izləməyə başlayıb. Bu filmlərdən ilhamlanan Viet idmana başlamağa qərar verib.
Gün keçdikcə idmanı daha çox sevən Viet Doan"Arnold Sports Festival”ında uğur əldə edib və 2017-ci ildə "Arnold Klassik Europa”da ikincilik əldə edib.

Bu ilin əvvəllərində ABŞ-ın Ohio əyalətində təşkil olunan "2019 Arnold Klassik” yarışına dəvət edilən Viet Doan bununla tur biletini almağa haqq qazanan ilk Avstraliya vətəndaşı adını əldə edib.