23 aprel - Ümumdünya Kitab Günü münasibətilə "Nar” şirkəti və Bakı Kitab Mərkəzinin birgə təşkilatçılığı ilə başlayan "Oxu saatı” layihəsi davam edir.

14 may saat 12:00-da baş tutacaq onlayn görüşün növbəti qiraətçisi Xalq artisti Zülfiyyə Xanbabayeva olacaq. O, izləyicilər üçün dünyaca məşhur nağıllar oxuyacaq. Görüşə qoşulmaq üçün bu keçidə daxil olmaq, yaxud "Nar”ın rəsmi feysbuk və yutub kanallarında yayımı canlı şəkildə izləmək mümkündür.