Qətərin “Əl-Qarafa” klubunun yarımmüdafiəçisi Uesli Sneyder sabiq komandası "Qalatasaray" haqda danışıb.
Türkiyənin "Beyaz" telekanalına açıqlama verən 34 yaşlı futbolçu yenidən "sarı-qırmızılı" kluba dönəcəyini söyləyib:

"Türkiyədən ayrıldığım andan azarkeşlər, klub, ölkə üçün darıxıram. Fanatlar hələ də ürəyimdədir. Bir gün ya baş məşqçi, ya da futbolçu kimi "Qalatasaray"a qayıdacağam".

Qeyd edək ki, Hollandiya millisinin sabiq üzvü 2013-2017 ci illərdə İstanbul klubunun formasını geyinib.