Tbilisidə kompüter sisteminə icazəsiz daxil olmaq ittihamı ilə bir nəfər saxlanılıb.
Şübhəli bilinən şəxs 2019 -cu ilin dekabr ayından, 2020-ci ilin may ayı dövrü ərzində, vətəndaşların Facebook profillərinə icazəsiz girərək onların dostlarını aldadıb və öz hesabına müxtəlif miqdarda pul köçürtdürüb.
O, həmçinin həmin insanların bank kartlarının məlumatlarını ələ keçirərək oradan özünə külli miqdarda pul da köçürüb.
Daxili İşlər Nazirliyindən verilən məlumata əsasən 20 yaşlı A.B cinayət yolu ilə ümumilikdə 25 vətəndaşdan 27 546 lari dəyərində pul mənimsəyib.