Bakıda silahlı cinayət hadisəsi törətməkdə təqsirli bilinən Qamət Sultanzadənin cinayət işi üzrə ibtidai istintaq başa çatıb.

Сinayət işi baxılması üçün Bakı Ağır Cinayətlər Məhkəməsinə göndərilib.

İş araşdırılması üçün hakim İlham Mahmudovun icraatına verilib.

Yaxın günlərdə məhkəmə başlanacaq.

İttihama görə, Bakı şəhəri Xəzər rayonu Şağan qəsəbə sakini, 1985- ci il təvəllüdlü Qamət Teymurov odlu silahla vurulub.

Şəxsin vurulması ilə bağlı Xəzər rayon prokurorluğuna məlumat daxil olub.

Araşdırma nəticəsində onu odlu silahla vuran şəxsin Şağan qəsəbə sakini, 1995- ci il təvəllüdlü Rəhman Sultanzadə olduğu müəyyənləşib.

Belə ki, 2020-ci il martın 20-də, günorta saat 15:00-da Rəhman Sultanzadə Qamət Teymurovun yaşadığı evə gələrək ov silahıyla ona dörd dəfə atəş açıb.

Rəhman Sultanzadə hadisəni qisas zəminində törətdiyini bəyan edib.

Bildirib ki, 2010-cu ildə Qamət Teymurov onun qardaşı Afər Sultanovu qətlə yetirib.

İstintaq orqanı tərəfindən Rəhman Sultanzadənin barəsində Cinayət Məcəlləsinin 29,120.1-ci (qəsdən adam öldürməyə cəhd) maddəsi ilə ittiham elan edilib.