"Barselona"nın hücumçusu Lionel Messi yayda klubu tərk edə bilər.

"La Gazzetta dello Sport"un xəbərinə görə, Messi karyerasını 5 klubdan birində davam etdirə bilər. Siyahıda "Mançester Siti", "Mançester Yunayted", "Yuventus", "İnter" və PSJ-nin adları yer alıb. "Siti"nin argentinalı futbolçu uğrunda mübarizədə favorit olduğu bildirilir.

Qeyd edək ki, "Barselona"nın idman direktoru Erik Abidalın sabiq baş məşqçi Ernesto Valverdenin gedişini futbolçularla əlaqələndirməsi nəticəsində Messi ilə rəhbərlik arasındakı münasibətlər gərginləşib.