Erməni siyasiləri ötən gün Azərbaycanın ilkin şərtlər irəli sürərək, Qaragöl ərazisindən uzaqlaşacağını bildirmişdilər. Rəsmi Bakı məlumatı hələ doğrulamadığından erməni iddialarının nə dərəcədə həqiqət olduğu bilinmir.

Xəzər Hərbi Tədqiqat İnstitutu isə rəsmilərimizi qabaqlayaraq, Azərbaycan tərəfinin mümkün şərtlərini açıqlayıb.

Ovqat.com-un məlumatına görə, mümkün ilkin şərtlər belədir:

-Qarabağdakı bütün erməni könüllüləri və əsgərləri bölgədən çıxarılacaq.
- Qırmızı bazar-Şuşa yolu Azərbaycanın nəzarətinə keçəcək.
- Naxçıvanın Kərki və Qazaxın 7 kəndi erməni işğalından azad ediləcək.
- Zəngəzur nəqliyyat dəhlizinin açılmasına icazə veriləcək.
- Ermənilər bu şərtləri 2 həftə ərzində yerinə yetirəcəklər.

Qeyd edək ki, Xəzər Hərbi Təqdidatlar İnstitutu həm 2016-ci il Aprel döyüşlərində, həm 44 günlük savaşda itkilərimiz barədə rəsmi qurumlardan daha tez və səhih məlumat yaymışdı.